Zubir Said
Zubir Said | |
---|---|
Namo asli | Zubir Said |
Lahia | 22 Juli 1907![]() |
Maningga | 16 November 1987 (umua 80) Singapura |
Karajo | Komponis |
Taun aktif | 1928–1987 |
Label rekaman | Universal Music Group |
Zubir Said (lahia di Fort de Kock, Hindia Belanda, 22 Juli 1907 – maningga di Singapura, 16 November 1987 pado umua 80 taun) adolah komponis Singapura pancipta lagu kabangsaan Majulah Singapura. Datang dari kaluarga Minangkabau, inyo baraa bamain musik sacaro otodidak. Inyo menyusun sajumlah lagu untuak film-film Malaysia salamo bakarajo sabagai komposer musik film pado Cathay-Keris Film Productions. Inyo dipicayo alah manulih saketeknyo 1.500 lagu, tapi hanyo sapersapuluah dari jumlah itu nan parnah direkam.
Karya Zubir dipandang luas sabagai lagu Melayu sabananyo dek lagu-lagunyo bakaitan jo sijarah dan nilai-nilai Melayu sarato, basamo urang Minang sazamannnyo, mambangkikan semangat kabangsaan pado tahun 1950-an. Salain Majulah Singapura, Zubir manggubah lagu patriotik Semoga Bahagia nan dijadikan lagu tema Hari Anak-Anak Singapura. Inyo manarimo sajumlah panghargaan sampai akhia hayatnyo dan sacaro anumerta atas kontribusinyo dalam bidang musik jo kebudayaan Melayu di Singapura.
Kahidupan awal
[suntiang | suntiang sumber]Zubir Said lahia pado 22 Juli 1907 di Bukittinggi (sabalunnyo banamo Fort De Kock), wilayah Sumatra Barat kini. Inyo adolah anak suluang dalam keluarga Minangkabau nan baanggotakan tigo anak laki-laki jo limo anak padusi. Ibunyo maningga katiko imyo masih baumua tujuah tahun.[1] Ayahnyo, Muhammad Said adolah tokoh adaik nan teguh manjalanan ajaran agamo.[1] Pekerjaan ayahnyo sabagai kondektur di parusahaan kareta api milik pamarentah kolonial Hindia Belanda mambuek Zubir bisa mangenyam pandidikan di sakolah bentukan Balando.[2]
Sajak duduak di bangku sekolah dasar, inyo alah mancaliakan bakatnyo bamain musik. Guru musik nan mancaliak bakat Zubir mamperkenalkannyo teknik solmisasi—gaya baraja musik dengan caro mambaco notasi—dan mambantunyo mambuek grup musik untuak murid-murid berbakat. Sauang kawan grupnya maajaan Zubir baaa caro mambuek saruliang, dan mereka basamo-samo bamain musik dengan saruliang bambu buatan mereka sendiri.[3] Sangkek manginjak sakolah manengah, Zubir bagabuang jo grup keroncong. Dari situ, inyo baraja instrumen lainnyo, yakni gitar jo drum.[2]
Sasudah manyalasaian 11 tahun pendidikan, katerbatasan ekonomi kaluarganyo mamakso Zubir untuak bakarajo pado usia 18 tahun. Dengan pandidikan saadanyo, inyo hanyo punyo paluang karajo sangenek. Inyo patamo kali bakarajo di sabuah pabrik sabagai pambuek batu bata. Sasudah itu, inyo mangikuti tawaran saurang kawannyo untuak bakarajo sabagai juru ketik.[2][4]
Sangkek bakarajo sabagai juru ketik, Zubir maisi siso wakatu untuak bamain musik. Inyo bagabuang jo grup keroncong dan mandapek posisi sabagai pamain biola.[2][5] Pado umua 19 tahun, inyo mamutuskan kalua dari pekerjaannyo sasudah basobok saurang pagawai pamarentahan desa nan kagum akan bakatnyo. Pagawai itu mandorong Zubir untuak mangaja impiannyo. Sasudah indak lai bakarajo, Zubir mambantuak grup keroncong kaliliang. Basamo anggota grupnyo, inyo bajalan dari desa ka desa di Sumatra, mancari nafkah dengan tampil di parnikahan, maramaian pameran, dan dalam alek karamaian lainnyo.[6]
Kontribusi
[suntiang | suntiang sumber]Pado 1958, Zubir manggubah lagu jo musik Majulah Singapura sabagai lagu resmi untuak Dewan Kota Singapura, sabalun inyo manjadi warga negara Singapura pado1967.[7][8][9] Dengan semangat patriotisme nan tinggi ka Singapura, inyo manolak untuak manarimo imbalan dari pamarentah atas gubahannyo,[10] mangecek bahaso manarimo panghormatan alah cukuik baginyo.[11] Majulah Singapura dikumandangan sacaro lueh pado 3 Desember,[12] manggantian lagu koloni God Save the Queen. Sasudah Singapura merdeka panuah dari Malaysia pado 9 Agustus 1965, Majulah Singapura sacaro resmi diadopsi sabagai lagu kabangsaan Republik Singapura. Pado 1984, dalam wawancara sijarah lisan, Zubir mangutip papatah Melayu "di ma bumi dipijak, di sinan langik dijunjuang" katiko manyampaian filosofinyo dalam manciptakan lagu.[13]
Kamatian jo panghargaan
[suntiang | suntiang sumber]![](http://upload.wikimedia.org/wikipedia/commons/thumb/e/e9/Malay_Heritage_Centre_%28Side%29.jpg/250px-Malay_Heritage_Centre_%28Side%29.jpg)
Zubir maningga dalam usia 80 tahun pado 16 November 1987 di Joo Chiat, Singapura, maninggaan ampek anak padusi jo anak laki-laki.[8] Pado tahun 1990, kahidupan Zubir jo sumangeknyo sabagai musisi didokumentasian dalam sabuah buku bajudul Zubir Said: Lagu-lagunya. Pado tahun 2004, patuang Zubir nan tabuek dari parunggu senilai S$20.000 dipajang di Istana Kampung Gelam, Taman Warisan Melayu, Singapura.
Zubir dianugerahan sajumlah panghargaan samaso hiduiknya dan sacaro anumerta. Pamarentah Singapura manganugerahannyo panghargaan "Sijil Kemuliaan" pado 16 Maret 1963 ateh jasonyo manciptaan lagu kabangsaan.[14][15][16] Panghargaan Jasawan Seni dari salapan organisasi kabudayaan Melayu didapeknyo pado 17 Juli 1971 ateh kiprahnyo dalam kasenian Melayu di Singapura.[15][17] Inyo mamparoleh panghargaan "Sangeetha Kalabooshan Award" dari Singapore Indian Film, Arts and Dramatic Society pado 30 Maret 1974, "Sri Budiman Award" dari Sriwana pado 20 Desember 1980, jo ASEAN Cultural and Communication Award pado 24 Agustus 1987.[11][18] Panghargaan anumerta dari Composers and Authors Society of Singapore barupo Lifetime Achievement Award diagiah untuaknyo pado 17 April 1995.[18]
Sabagai panghormatan untuak dirinyo dalam dunia musik, Beasiswa Musik Zubir Said—nan mulonyo dikelola dek Yayasan Kebudayaan Singapura dan kudian dek Dewan Keseinan Nasional—diluncuaan pado 1990. Untuak manganang jaso-jasonyo, jalan tampek tagaknyo Sekolah Seni dilakekan jo namonyo pado tahun 2009. Jalan iko basimpangan jo Orchard Road nan manjadi pusek perbelanjaan paliang gadang di Singapura.
Caliak pulo
[suntiang | suntiang sumber]- (Inggirih) Sejarah Majulah Singapura Archived 2014-02-19 di Wayback Machine. di laman Perpustakaan Nasional Singapura.
Catatan kaki
[suntiang | suntiang sumber]- Keterangan
- Rujuakan
- ↑ a b Zubir (2012), hlm. 21.
- ↑ a b c d Abu Bakar (1990), hlm. 12.
- ↑ Zubir (2012), hlm. 24, 26–27, & 252.
- ↑ Zubir (2012), hlm. 27.
- ↑ Zubir (2012), hlm. 29, 31, & 40.
- ↑ Zubir (2012), hlm. 29–30.
- ↑ Low (2012), hlm. 23.
- ↑ a b Lim, KK (17 November 1987), hlm. 1.
- ↑ Chew, D (1990), hlm, 24.
- ↑ Lim, Serene (10 March 1990), hlm. 24.
- ↑ a b Abu Bakar (1990), hlm. 16.
- ↑ Chew, D (1990), hlm, 26–27.
- ↑ Kementerian Pertahanan Singapura. "1959 – Singapore's State Arms, Flags and National Anthem". 2007. Diarsipkan dari versi asli Archived 2007-10-10 di Wayback Machine. pada tanggal 26 Agustus 2007.
- ↑ "Les Beatles et Beatles". Diakses tanggal 2023-02-25.
- ↑ a b Zubir (2012), hlm. 265.
- ↑ Men Who… (17 Maret 1963), hlm. 8.
- ↑ A Silver Tray… (19 Juli 1971), hlm. 8.
- ↑ a b Zubir (2012), hlm. 266.
- Daftar pustaka
- Zubir, Rohana (2012). Zubir Said: The Composer of Majulah Singapura. Singapura: ISEAS Publishing.
- Music Scholarship Fund Set Up. (10 Maret 1990). The Straits Times. Diarsipkan dari versi asli oleh NewspaperSG.
- Abu Bakar, Mardiana (1990). “Zubir Said, The Man” dalam Zubir Said: His Songs. Singapura: Published for Singapore Cultural Foundation by Times Books International.
- Low, ZB. (2012). “Biography of Zubir Said” dalam Majulah!: The Film Music of Zubir Said. Singapura: National Museum of Singapore.
- Lim, Serene (9 Maret 1990). Zubir Said: The Man Behind the Music. The Straits Times. Diarsipkan dari versi asli Archived 2004-08-13 di Wayback Machine. oleh Headlines.
- Universal Music to Handle Zubir Said's Songs (24 Agustus 2007). The Straits Times. Diarsipkan dari versi asli oleh NewspaperSG.
- Haron A. Rahman & Nuryati Duriat. The Quiet Man Who Makes Lasting Music (18 Oktober 1983). The Straits Times. Diarsipkan dari versi asli oleh NewspaperSG.
- Tan, SL. The Man and His Anthem (9 Agustus 1980). The Straits Times. Diarsipkan dari versi asli oleh NewspaperSG.
- Lim, KK. Composer of Our National Anthem Dies (17 November 1987). The Straits Times. Diarsipkan dari versi asli oleh NewspaperSG.
- Chew, D (1990). “The Story of the National Anthem” dalam Zubir Said: His Songs. Singapura: Published for Singapore Cultural Foundation by Times Books International.
- Lim, Serene (10 March 1990). Audience Turns Misty-eyed at Tribute to Zubir. The Straits Times. Diarsipkan dari versi asli oleh NewspaperSG.
- Loh, Noelle (7 Oktober 2007). Tuning in Anew to Zubir Said. The Straits Times. Diarsipkan dari versi asli oleh NewspaperSG.
- Men Who Served S’pore Well Get Their Awards (17 Maret 1963). The Straits Times. Diarsipkan dari versi asli oleh NewspaperSG.
- A Silver Tray Gift for National Anthem Composer Zubir (19 Juli 1971). The Straits Times. Diarsipkan dari versi asli oleh NewspaperSG
- Zubir Said Scholarship (10 Maret 1990). The Business Times. Diarsipkan dari versi asli oleh NewspaperSG
- Koh, D (28 Februari 1997). Making A Career in the Arts Rewarding. The Straits Times. Diarsipkan dari versi asli oleh NewspaperSG.
- SOTA Tribute to Zubir Said. (9 Mei 2009). Today. Diarsipkan dari versi asli oleh NewspaperSG.
Pautan lua
[suntiang | suntiang sumber]- (Inggirih) Zubir Said pado Internet Movie Database.
- Tangga lahia 22 Juli
- Lahia 1907
- Tangga kamatian 16 November
- Kamatian 1987
- Kalahiaran 1907
- Maningga umua 80
- Artikel biografi April 2023
- Artikel Wikipedia jo panando BNF
- Artikel Wikipedia jo panando GND
- Artikel Wikipedia jo panando ISNI
- Artikel Wikipedia jo panando MusicBrainz
- Artikel Wikipedia jo panando NLA
- Artikel Wikipedia jo panando SNAC-ID
- Tokoh Minangkabau