Senegal
![](http://upload.wikimedia.org/wikipedia/commons/thumb/f/fd/Flag_of_Senegal.svg/220px-Flag_of_Senegal.svg.png)
Senegal atau sacaro rasmi Republik Senegal adolah nagara paliang barat di benua Afrika, talatak di garih pantai Lautan Atlantik. Nagara ko babatehan jo Mauritania di utara, Mali di timur, Guinea di tenggara, sarato Guinea-Bissau di barat daya. Senegal hampia mangaliliangi Gambia, sabuah nagara nan barado di sapanjang Sungai Gambia, nan mamisahan wilayah Casamance di Senegal selatan dari wilayah nagara tu.[1][2] Nagara ko juo babagi pabatehan laut jo Tanjuang Verde. Kota jo kota tagadangnyo iolah Dakar.
Politik nagara ko barado dalam karangko republik demokrasi presidensial nan mano Presiden sabagai kapalo nagara jo kapalo pamarentahan. Kuaso eksekutif tapusek di tangan presiden.[3] Sadangkan kuaso legislatif dipacik dek Parlemen basamo jo pamarentah. Namun bak itu, parlemen jarang maajukan UU ataupun manolak ajuan dari pamarentah.[4] Baitu pulo kuaso yudikatif, nan walaupun independen sacaro teori, namun nyatonyo banyak dicampuri dek pamarentah.[3]
Manuruik Tinjauan Panduduak Dunia revisi tahun 2018, panduduak nagara ko bajumlah 16.302.789 jiwa,[5] dibandiangan jo tahun 1950 nan bajumlah 2.416.000. Jumlah anak-anak dibawah umua 15 tahun iolah 41,5%, umua 15-54 sabanyak 31,1% jo umua 55 tahun ka ateh 6,9% pado tahun 2017.[6] Pado tahun nan samo, panduduaknyo tadiri dari urang Wolof 37,1%, Pular 26,2%, Serer 17%, Mandinka 5,6%, Jola 4,5%, Soninke 1,4%, Lainnyo 8,3% tamasuak 50.000 urang Eropa jo katurunan Libanon.[7]
Rujuakan
[suntiang | suntiang sumber]- ↑ "Which Countries Border The Gambia?". WorldAtlas. 2018-08-28. Diakses tanggal 2023-09-19.
- ↑ "Why is The Gambia Surrounded by Senegal?". Trazee Travel (dalam bahasa Inggris). 2020-07-06. Diakses tanggal 2023-09-19.
- ↑ a b Freedom House. "Freedom in the World – Senegal". Diarsipkan dari versi asli tanggal 23 October 2011. Diakses tanggal 12 November 2011.
- ↑ Thomas and Sissokho (2005.) "Liaison legislature: the role of the National Assembly in Senegal" Journal of Modern African Studies 43 (1). p. 106
- ↑ World Population Review: Senegal Population 2018, 14 June 2018
- ↑ Population Division of the Department of Economic and Social Affairs of the United Nations Secretariat, World Population Prospects: The 2010 Revision Archived 6 May 2011 di Wayback Machine.
- ↑ "Africa :: SENEGAL". The World Factbook. CIA. 19 April 2022.