SMA Negeri 2 Bukittinggi
SMA Negeri 2 Bukittinggi, marupoan salah satu Sikolah Manangah Ateh Negeri nan ado di Provinsi Sumatra Barat, Indonesia. Sma ko marupoan SMA tatuo di Bukittinggi. Samo jo SMA pado umumnyo di Indonesia maso pandidikan sikolah di SMAN 2 Bukittinggi ditampuah dalam wakatu tigo tahun palajaran, mulai dari Kelas X sampai Kelas XII.
Sijarah dan Latar Belakang
[suntiang | suntiang sumber]Sikolah Raja
[suntiang | suntiang sumber]Badasarkan hasil pangamatan pendeta Bundingh, pamarintahan Balando dapek mangatahui bahwa pandidikan anak negeri di Hindia Nederland masih randah. Baaitu pulo kapandaian guru-guru Melayu di Gouvernement Pesisir Barat pulau Perca (Sumatra) indaklah mancuiki. Dek sabab itu, tahun 1855 Pamarintah Balando marancanakan untuak mandirikan Sikolah Raja (bahaso Balando: Kweekschool) untuak mandidiak anak negeri malalui Surek kaputuihan pandirian Sikolah Raja untuak mandidiak anak negeri nan dikaluakan pado tanggal 1 April 1856.
Kweekschool
[suntiang | suntiang sumber]Satalah maliek pakambangan sikolah raja salamo tujuah baleh tahun, timbualah niek pamarintah balando untuak maadokan parubahan-parubahan. Awal tahun 1873 sikolah raja lamo dipelokan. Tapeknyo tanggal 1 Maret 1873 sikolah raja diubah namonyo manjadi Kweekschool. Guru kapalonyo D. Gerth Van Wijk. Guru Balando nan manjadi guru kaduo yoitu Weide. Murid muridnyo diasramakan dakek sikolah. Murid-murid iko diawasi dek saurang guru melayu nan banamo Raja Medan.
Tahun 1877 D. Gerth Van Wijk diangkek manjadi Leeraar di sikolah Gymnasium Willem III di Betawi. Jabatannyo sabagai guru kapalo digantian dek J.L. Van der Toorn, jo guru kaduo D. Grivel.
Beberapa nama untuk pengganti HIK
[suntiang | suntiang sumber]Satalah Indonesia merdeka pado tanggal 17 Agustus 1945, banyak parubahan nan tajadi. Parubahan itu bukan sajo di bidang politik dan pamarintahan tatapi nan indak kalah pentingnyo adolah bidang pandidikan. Sikolah-sikolah nan vakum karano adonyo pagolakan untuak marabuik kakuasaan diiduikan baliak. Bahkan disampurnakan satalah kaksuasaan barado ditangan bangsa surang. Gaduang sikolah raja atau kweekschool masih tatok badiri megah, mulai tahun 1946 diaktifkan baliak sabagai tampek pandidikan bagi anak negeri.
Dalam patumbuahannyo banyak tajadi parubahan dan pagantian namo sikolah. Parubahan dan pagantian namo lembaga pandidikan iko sabagai barikuik:
Pimpinan SMA Negeri 2 Bukittinggi
[suntiang | suntiang sumber]Satalah SMA II C barubah namo manjadi SMA Negeri 2 Bukittinggi, sampai kini alah tacatat babarapo namo nan parnah manjabek sabagai pimpinan Namo-namo pimpinan itu adolah sabagai barikuik: