Lopi
![](http://upload.wikimedia.org/wikipedia/commons/thumb/1/10/Lupis.jpg/319px-Lupis.jpg)
Lopi adolah makanan khas Indonesia tarutamo di daerah Jawa jo Sumatera. Ado duo bantuak lopi nan biaso basobok yaitu sagitigo atau bulek mamanjang bantuak lontong[1]. Lopi dibuek dari bareh katan nan dimasak lalu dibungkuih jo daun pisang. Dalam panyajiannyo lopi disiram jo gulo saka nan alah caia. Biasonyo kalau di Sumatera Barat Lopi ko manjadi makanan palangkok katiko minum jo kopi jo teh.
Bahan-bahan
[suntiang | suntiang sumber]Untuak mambuek kue lopi ko indak talalu banyak bahan nan diparaluan. Bahan nan di butuahkan yaitunyo bareh katan merah kiro-kiro sabanyak 500 gram. Biasonyo bareh katan merah ko alah di randam jo aia samalaman sarato jo di tiriahkan daun pisang sacukuiknyo untuaak pambungkuihnyo. Bahan salanjuiknyo iolah buah karambia sakapiang. Karambia nan sakapiang ko di kukua sarato jo di agia garam sacukuiknyo.[2]
Caro Mambuek
[suntiang | suntiang sumber]Sasudah bahan-bahan tadi alah langkok kasadonyo, mako lopi tasabuik alah bisa untuak di buek. Langkah-langkah mambueknyo indak pulo talalu payah, hanyo ado babarapo langkah sajo. Partamo, bareh katan nan alah dirandam samalaman tadi tu di bungkuih jo daun pisang. Daun pisang tasabuik talabiah dulu di potong ketek-ketek mambantuak sagitigo. Bareh tadi dimasuakan kadalam daun pisang tadi. Salanjuiknyo nyo lopi nan alah dibungkuih tadi di abuih hinggo nyo masak. Sasudah tu di angkek dari pariuak dan kamudian di dinginkan dulu. Kalau alah dingin, katan nan di abuh di dalam daun pisang tadi dikaluan dari daun pisang tasabuik. tarakhir salanjuiknyo lopi tasabuik di agai atau di campua jo karambia nan alah dikukua sabalumnyo dan kamudian alah bisa untuak dimakan.[2]
Rujuakan
[suntiang | suntiang sumber]- ↑ "Rahasia Membuat Lupis Ketan, Kue Tradisional yang Lezat dan Gurih". iNews.ID (dalam bahasa Inggris). 2019-01-29. Diakses tanggal 2019-10-31.
- ↑ a b Gardjito, Murdjati, dkk (2019). Kuliner Minangkabau. Jakarta: PT Gramedia Pustaka Utama. pp. 152. ISBN 978-602-06-3238-4.