Kadet 1947
Kadet 1947 adalah sabuah pilem nan jinihnyo drama parang Indonesia tahun 2021 nan disutradarai jo ditulih dek Rahabi Mandra samo Aldo Swastia. Pilem ko diproduksi dek Temata Studios, didukuang dek Legacy Pictures, Screenplay Films, sarato TNI AU. Kadet 1947 tainspirasi dari peristiwa misi serangan udara patamo Angkatan Udara Republik Indonesia nan dilakuan dek para kadet (calon penerbang Angkatan Udara) di markas pertahanan Belanda di Semarang, Salatiga, jo Ambarawa pado 29 Juli 1947. Pilem ko tayang perdana di Jakarta Film Week 2021 pado 20 November 2021 jo dirilis untuak umum di bioskop Indonesia pado 25 November 2021.[1]
Sinopsis
[suntiang | suntiang sumber]Pado tahun 1947, Indonesia jo Balando baru malakuan Perundingan Linggarjati, nan barisi kesepakatan basonyo Balando mangakui status kamardekaan Indonesia jo capek maninggaan Indonesia. Namun, bara bulan sasduah tu,Balando malanggar kesepakatan tu nan disaratoi jo malakuan serangan ka wilayah Jawa jo Sumatera untuak manguasai Indonesia baliak. Paristiwa tu disabuik jo Agresi Militer Belanda I.[1]
Sakalompok kadet dari sakolah penerbang Angkatan Udara di Maguwo, yaitu Sigit (Bisma Karisma), Mul (Kevin Julio), Har (Omara Esteghlal), jo Adji (Marthino Lio), barambisi untuak ikuik sato manjago Indonesia dari Balando. Namun, ambisinyo tahalang dek banyaknyo rintangan dek kalompok kadet tu masih bastatus pelajar Angkatan Udara, sahinggo indak mandapek izin untuak mambaok kapa tabang jo sanjato.[1]
Tadapak salisiah pandapek diantaro para petinggi Angkatan Udara nan dipimpin dek KASAU Komodor Udara Soerjadi Soerjadarma (Mike Lucock), Adisutjipto (Andri Mashadi), Abdulrachman Saleh (Ramadhan Al Rasyid), sarato Halim Perdanakusuma (Ibnu Jamil). Demi manjalanan aksi nekatnyo, para kadet mamintak bantuan ka sersan udara Tardjo (Wafda Saifan), sarato panembak udara Dul (Chicco Kurniawan) jo Kapoet (Fajar Nugra). Kisah ko indak hanyo bakisah tantang pajuangan Indonesia sajo, malainkan ado kisah tantang sakalompok anak mudo nan sadang malakuan pambuktian diri jo harus maadoki konflik pasahabatan sarato pataruhan kisah cinto, sarupo Sigit jo kekasihnyo, Asih (Givina Lukitadewi).[1]
Pameran
[suntiang | suntiang sumber]- Bisma Karisma sabagai Sigit (Sutardjo Sigit)
- Kevin Julio sabagai Mul (Mulyono)
- Omara Esteghlal sabagai Har (Suharnoko Harbani)
- Marthino Lio sabagai Adji (Bambang Saptoadji)
- Wafda Saifan sabagai Tardjo (Sutardjo)
- Fajar Nugra sabagai Kapoet
- Chicco Kurniawan sabagai Dul (Dulrachman)
- Andri Mashadi sabagai Tjip (Agustinus Adisoetjipto)
- Ario Bayu sabagai Soekarno
- Ibnu Jamil sabagai Halim Perdanakusuma
- Ramadhan Alrasyid sabagai Karbol (Abdulrachman Saleh)
- Mike Lucock sabagai Soerjadi Soerjadarma
- Indra Pacique sabagai Soedirman
- Hardi Fadhillah sabagai Kardi
- Ernest Samudera sabagai Basyir Surya
- Givina Lukita sabagai Asih
Produksi
[suntiang | suntiang sumber]Proses pangambilan gambar utamo dimulai pado bulan Maret 2020, namun tahambek dek pandemi Covid-19 di Indonesia sasudah malakuan tigo hari syuting dari jadwal 40 hari nan dirancanaan.[2] Proses produksi dilanjuikan pado bulan September 2020 jo rampuang pado Oktober 2020. Pilem ko manggunoan sambilan replika kapa tabang sabagai properti, sarupo jinih kapa tabang Cureng (Yokosuka K5Y), jo Mitsubishi Ki-51 nan dipakai katiko paristiwa sabananyo tajadi. Lokasi pilem dibangun di Landasan Udara Gading TNI AU di Gunung Kidul, Yogyakarta. Pilem ko didukuang pulo dek TNI Angkatan Udara.[3]
Panayangan
[suntiang | suntiang sumber]Pilem Kadet 1947 awalnyo akan diluncuan dalam rangka mamparingati 75 tahun Hari Kemerdekaan Indonesia di tahun 2020, namun dek karano pandemi Covid-19 di Indonesia, pauncuran pilem ditunda hinggo manunggu wakatu nan labiah kondusif.[4] Lagu tema pilem ko bajudul "Bakti" nan diciptaan dek Melly Goeslaw basamo Anto Hoed jo dinyanyian dek Anneth.[5]
Pilem ko tayang patamo kali di Jakarta Film Week 2021 pado 20 November 2021.[6] Premiere pilem balangsuang pado 22 November nan dilakuan basamo parilisan sarentak di bioskop Indonesia pado 25 November 2021.[7] Kadet 1947 tayang pulo di Jogja-NETPAC Asian Film Festival 2021 pado 29 November 2021 nan ikuik sato pulo dalam program Indonesian Screen Awards.[8]
Pamasaran
[suntiang | suntiang sumber]Pilem Kadet 1947 nan diproduksi dek PT. Telinga Mata Nusantara marupoan ciek dari 22 panarimo bantuan pamerintah Kementerian Pariwisata jo Ekonomi Kreatif Republik Indonesia untuak promosi pilem nan bantuannyo mancapai Rp 1,5 miliar dalam lingkup program Pemulihan Ekonomi Nasional (PEN) dek pandemi Covid-19 di Indonesia.[9]
Panghargoan
[suntiang | suntiang sumber]| Tahun | Panghargoan | Kategori | Panarimo | Hasil |
|---|---|---|---|---|
| 2021 | JAFF Indonesian Screen Awards | Film Terbaik | Kadet 1947 | Manang |
| Sutradara Terbaik | Rahabi Mandra & Winaldo Artaraya Swastia | Manang |
Rujuakan
[suntiang | suntiang sumber]- ↑ a b c d Cicilia, Maria (15 April 2020). Suryanto, ed. "Film "Kadet 1947" ungkap sejarah yang belum pernah diceritakan". Antaranews. Diarsipkan dari versi asli tanggal 23 November 2021.
- ↑ "Kadet 1947, Film Adaptasi dari Sejarah Tak Populer". CNN Indonesia. 16 April 2020. Diarsipkan dari versi asli tanggal 30 Oktober 2021.
- ↑ Sembiring, Ira Gita Natalia (20 Oktober 2020). Maharani, Dian, ed. "9 Replika Pesawat Tempur Dikerahkan untuk Syuting Film KADET 1947". Kompas (dalam bahasa Indonesia). Diarsipkan dari versi asli tanggal 16 Juli 2021.
- ↑ Fathurrozak (16 April 2020). "Film Kadet 1947 Mundurkan Jadwal Tayang". Media Indonesia. Diarsipkan dari versi asli tanggal 13 Juli 2020.
- ↑ Rantung, Revi C. (22 September 2021). Setiawan, Tri Susanto, ed. "Kebahagiaan Anneth Isi Original Soundtrack Film KADET 1947 Ciptaan Melly Goeslaw". Kompas.com (dalam bahasa Indonesia). Diarsipkan dari versi asli tanggal 20 November 2021.
- ↑ Lestari, Puput Puji (22 November 2021). "Film Kadet 1947 Bangkitkan Semangat Nasionalisme di Jakarta Film Week". VOI (dalam bahasa Indonesia). Diarsipkan dari versi asli tanggal 22 November 2021.
- ↑ Putri, Lifia Mawaddah (23 November 2021). Nurcahyani, Ida, ed. ""Kadet 1947" tayang bioskop mulai 25 November 2021". Antaranews. Diarsipkan dari versi asli tanggal 26 November 2021.
- ↑ "Kadet 1947 Raih Dua Penghargaan di JAFF 2021: Sutradara dan Film Terbaik". Tempo.co. 7 Desember 2021. Diarsipkan dari versi asli tanggal 7 Desember 2021.
- ↑ Kementerian Pariwisata dan Ekonomi Kreatif Republik Indonesia (26 Oktober 2021). Siaran Pers: Kemenparekraf Tetapkan 22 Produksi Film Peraih Bantuan Pemerintah Promosi Film Indonesia. Siaran pers.