Batang Hari
Batang Hari | |
Patamuan Batang Hari jo Batang Tembesi, poto sakita taun 1877-1879
| |
Nagara | Indonesia |
---|---|
Provinsi | Sumatera Barat, Jambi |
Kabupaten | Kabupaten Solok, Solok Selatan, Dharmasraya, Bungo, Tebo, Kabupaten Batang Hari, Muaro Jambi, Tanjung Jabung Timur |
Kota | Kota Jambi |
Ulu | |
- elevation | 1.531 ft (467 m) |
- coordinates | 1°6′3.98″S 100°46′41.18″E / 1.1011056°S 100.7781056°E |
Muaro | |
- katinggian | 0 ft (0 m) |
- coordinates | 1°3′58.49″S 104°12′20.91″E / 1.0662472°S 104.2058083°E |
Batang Hari (kadang ditulih juo Batanghari) adolah sabuah batang aia nan maalia malalui duo provinsi, iyolah Sumatera Barat dan Jambi, di bagian tangah pulau Sumatera, Indonesia.[1] Batang aia ko adolah nan tapanjang di pulau Sumatera, iyolah mancapai 800 km sajak dari ulu inggo ka muaronyo,[1][2] sarato lebanyo mancapai 500 km.[1]
Mato aianyo baasa dari Gunuang Rasan (2585 m), dan ulunyo adolah dari Danau Diateh, Solok.[3][4] Dari Solok, Batang Hari baturuik-turuik malewati kabupaten-kabupaten Solok Selatan, Dharmasraya, Bungo, Tebo, Batang Hari, Kota Jambi, Muaro Jambi, dan Tanjung Jabung Timur, inggo tibo di lauik lapek dakek Muara Sabak.[3]
Tadapek babarapo batang aia lainnyo nan maalia ka Batang Hari, antaro lain Batang Sangir, Batang Tembesi (jo cabangnyo Batang Merangin), Batang Tabir, Batang Tebo (jo cabangnyo Batang Pelepat), dan Batang Jujuhan.[2][3] Sadonyo batang aia ko marupoan sarana transportasi utamo, di mano pado tapiannyo sajak daulu banyak tabantuak karajaan lamo jo pamukiman panduduak.[2] Daerah Aliaran Sungai (DAS) Batang Hari marupoan DAS tagadang kaduo di Indonesia, mancakuik laweh areal tangkapan (catchment area) ± 4.9 juta Ha.[3] Sakita 76% DAS Batang Hari barado di provinsi Jambi, sisanyo di provinsi Sumatera Barat.[3]
Sailiaran Batang Hari banyak baparan dalam catatan sijarah, tarutamo nan bakaitan jo paradaban Malayu.[5] Pado aliaran Batang Hari ikolah sajak abaik ka-7, mulai dari ilia inggo ka ulu, panah muncua Karajaan Malayu, Karajaan Sriwijaya, dan Karajaan Dharmasraya nan tamusaua dan disagani, nan marupoan pusek budayo dan padagangan, sarato pangaruahnyo indak sajo di pulau Sumatera tapi sampai juo ka Samananjuang Malayu jo daerah lainnyo di kapulauan nusantara bagian baraik.[6]
Rujuakan
[suntiang | suntiang sumber]- ↑ a b c Dhamija, Jasleen (2004). Asian Embroidery. Kontributor Crafts Council of India (edisi ke-berilustrasi). p. 281. ISBN 8170174503, 9788170174509. https://books.google.co.id/books?id=AKFN7hyH6OcC&pg=PA281&dq=batanghari+river&hl=id&sa=X&ved=0ahUKEwjKtsOZwvTNAhWIwI8KHXhLB4kQuwUIWzAI#v=onepage&q=batanghari%20river&f=false.
- ↑ a b c Locher-Scholten, Elsbeth (2004). Sumatran Sultanate and Colonial State: Jambi and the Rise of Dutch Imperialism, 1830-1907. Volume 37 dari Studies on Southeast Asia (edisi ke-berilustrasi). SEAP Publications. p. 35-36. ISBN 0877277362, 9780877277361. https://books.google.co.id/books?id=IQ24mWU_-YYC&pg=PA35&dq=longest+rivers+sumatra&hl=id&sa=X&ved=0ahUKEwiVufOQxfTNAhWIp48KHUpzAekQuwUIUjAH#v=onepage&q=longest%20rivers%20sumatra&f=false.
- ↑ a b c d e Peluang & Potensi Kota Jambi. CV Alisya Jambi Press. p. 5. https://books.google.co.id/books?id=EX3bCQAAQBAJ&pg=PT9&dq=gunung+rasan&hl=id&sa=X&ved=0ahUKEwi-noPhj_XNAhVDMI8KHT88BBgQuwUIHTAA#v=onepage&q=gunung%20rasan&f=false.[pranala nonaktif permanen]
- ↑ Nalendra, Brama. Penelitian DAS Batanghari di Sekitar Kota Jambi. http://www.academia.edu/10213930/DAS_Batanghari.
- ↑ Munoz, Paul Michel, (2006), Early Kingdoms of the Indonesian Archipelago and the Malay Peninsula, Editions Didier Millet, ISBN 979-981-4155-67-9.
- ↑ Djafar, Hasan, (1992), Prasasti-Prasasti Masa Kerajaan Melayu Kuno dan Permasalahannya, dibawakan dalam Seminar Sejarah Melayu Kuno, Jambi, 7-8 Desember 1992, Jambi: Pemerintah Daerah Tk I Jambi bekerjasama dengan Kantor Wilayah Departemen Pendidikan dan Kebudayaan Jambi.