Wiktionary:Mombamomba
Tanjona
Ny Wikibolana (fiantsoana nogasiana), dia sampana amin'ny teny malagasy ny tetikasa Wiktionary® an'i Wikimedia Foundation. Ny fanomezana ho an'io fikambanana io dia mety manahena ny hetra any Etazonia. Mety mampihena hetra ihany koa ny fanomezana eny amin'ny firenena hafa amin'ny alàlan'ny fanomezana vola ho an'ny fikambanana eo an-toerana.
Ny wikibolana dia tamin'ny voalohany tetikasa iray natao ho fanampin'i Wikipedia (tetikasan-draki-pahalalàna). Ny tanjon'ny Wikibolana dia manazava ny tenin'ny fitenin'izao tontolo izao, ary koa manangona ny fomba fiteny, bika matoanteny, dikan-teny; etimolojia, fanononana, ohatra, teny mitovy dika, sns...
Noho izay raki-bolana, ny tanjony dia manome fampahalalàna farany izay mazava ary tsy mitongilana indrindra an'ny teny na fomba fitenenana rehetra, miasa ankehitriny na niasa taloha, an-tsoratra na am-bava, an'ny fiteny natoraly, artifisialy, velona na maty.
Mamisavisa fotsiny no tanjony : tsy miaro fiteny (malagasy, frantsay, latina...) no antom-pisiany.
Lisansa
Ny lahatsoratra sy ny teny iditra ato amin'i Wikibolana dia manana ny lisansa Creative Commons fanomezana ny lisitra manontolon'ireo mpamorona ilay votoatiny notsongaina ary fizarana azy amin'ny lisansa mitovy. Izany midika fa azonao atao ny mampiasa, mizarazara ary manovaova ny votoaty. Na dia izany anefa, tsy maintsy ambaranao ny lisitry ny mpanoratr'ilay votoatiny : na amin'ny alalan'ny fametrahana rohy mankany amin'ny tantaram-pejin'ilay pejy nangalanao ilay votoatiny eo amin'ny tranonkalanao, na amin'ny alalan'ny fampidirana ny tantaram-pejy manontolo eo amin'ny tranonkala iasanao (raha afaka atao izany).
Ny lisansa hafa ananan'ny votoatiny arto ihany koa dia manana lisansa GFDL ([https://en.wikipedia.org/wiki/Wikipedia:Text_of_the_GNU_Free_Documentation_License lisansa izay azo vakiana eto amin'ny teny anglisy).
Ny lahatsoratra na votoatin-tsoratra soratanao ato dia iharan'ireo lisansa roa ireo raha mampiditra lahatsoratra eto amin'ity wiki ity ianao anefa tsy ianao no tompon'ilay soratra (manana ny zom-pamorona), dia tsy azo atao ny manao izany. Mikasika ny sary indray dia mety iharan'ny lisansa manokana izy ireny, fa na dia izany aza, dia tsy atao ny mampiditra sary iharan'ny zom-pamorona raha tsy ianao no mpanana ilay zom-pamorona eo amin'ilay sary.
Izay tahirintsoratra iharan'ny zom-pamorona dia tsy azo ampidirina eto raha tsy hoe ilay mpampiditra azy eto no tompon'ilay izy ary raha tsy homeny alalana ny fizarazarana ny tahirintsorany araka ny lisansa CC-by-SA ary ny GFDL.