Fiteny kaskay
Ny fiteny kaskay dia fiteny torkika, ao amin' ny zana-tsampana ôgoza, fitenin' ny Kaskay, vahoaka monina indrindra ao amin' ny Faritanin' i Fars any amin' ny tapany atsimo amin' i Iràna. Ny fiteny kaskay dia vondrom-pitenim-paritra fahatelo tsy miankina, ao anatin' ny vondrom-piteny torkika atsimo-andrefana. Ny fiteny kaskay dia anisan' ny vondrona ôgoza, ny mpikambana hafa ao dia ny fiteny tiorka, ny fiteny azery, ny fitey torkmena ary ny fiteny gagaoza.
Fantatry ny mpiteny azy amin' ny anarana hoe turki izy. Miovaova ny fanombanana ny isan' ny mpiteny kaskay. Ny Ethnologue dia nanome tarehimarika 949 000 tamin' ny taona 2015. Atao hoe قشقایی ديلى / Qašqāyī dili izy amin' ny teny kaskay.
Mifandray akaiky amin' ny fiteny azerbaijany ny fiteny kaskay. Na izany aza, ny karazan' ny fiteny kaskay sasany, indrindra ny karazany ampiasain' ny Sesbeily (Sheshbeyli) dia misy fitoviany amin' ny fiteny tiorka. Amin' ny lafiny sôsialy sy pôlitika anefa, ny fiteny kaskay dia heverina ho fiteny amin' ny zony manokana.
Tahaka ny fiteny torkika hafa ampiasaina ao Iràna, toy ny fiteny azerbaijany, ny fiteny kaskay dia mampiasa ny tarehin-tsoratra persana-arabo nasiana fanovana.
Jereo koa
[hanova | hanova ny fango]- Vahoka torkika sasany: Azery - Baskira - Gagaoza - Iakoty - Kaskay - Kazàka - Kirgizy - Oigoro - Ozbeka - Tatara - Tiorka - Torkmena - Tovàna - Tsovasa
- Fiteny torkika sasany: fiteny afsara - fiteny argo - fiteny azery - fiteny baskira - fiteny gagaoza - fiteny iakoty - fiteny kaskay - fiteny kazàka - fiteny kiptsaka - fiteny kirgizy - fiteny ôgora - fiteny ôgoza - fiteny oigoro - fiteny ozbeka - fiteny tatara - fiteny tatara krimeana - fiteny tatara siberiana - fiteny tiorka - fiteny torkmena - fiteny tovàna - fiteny tsovasa