Akoranafo
![](http://upload.wikimedia.org/wikipedia/commons/thumb/b/b8/Octane_molecule_3D_model.png/284px-Octane_molecule_3D_model.png)
Ny akoranafo na hidrôkarbiora dia taharo voaforon' ny atôma karbônina (C) sy hidirôzenina (H). Ny raikipohiny dia amin' ny endrika: CnHm, ka n sy m dia isa nanahary roa tsy aotra. Amin' ny endrika karbônina fôsily ny akoranafo (indrindra ny solitany sy ny etona voajanahary) ary ny arintany izay loharanon’ angovo tena ilaina ho an' ny toekarena nanomboka tamin' ny revôlisiôna indostrialy, saingy izy ireo koa dia loharanon' ny etona mampihiboka hafanana vokatry ny fampiasana azy ireo betsaka. Ny etanina sy ny prôpanina dia ampiasaina amin' ny fampiharana simika lehibe. Ireo etona roa ireo dia avadika ho etona namboarina na ho etilenina sy prôpilenina. Ny alsenina na alkenina dia mpialoha lalana ny vokatra simika sarobidy toy ny etanôla, ny epôksida-na etilenina, ny etilenina glikôla, ny asidra asetika, ny sidra akrilika, ny akrilnitrila ary ny pôlimera avo lenta.
Ny kilasy iray hafa amin' ny akoranafo manokana dia ny BTX, izay fifangaroan' ny benzenina, ny tôloenina ary ny izômera telo amin' ny ksilenina. Ireo dia loharanon’ angovo tsy azo havaozina (eo amin' ny ambaratongam-banim-potoanan' ny olombelona) izay efa manomboka lany ny tahiry anaty tany na manomboka lafo be ary sarotra trandrahina (tahiry an-dranomasina na tahiry anany tany tena lalina, matetika tsy tena tsara kalitao), na solitany na etona voajanahary.
Manana lanja lhibe eo amin' ny raharaham-barotra ny akoranafo: ampiasaina hatao solika amin’ ny môtera, hatao fandrehitra, hatao menaka fanalamana ary hatao akora fototra amin' ny petrôsimia.
Ahitana farihin' akoranafo ao amin' i Titan, satelitan’ ny planeta Satiorna ary ahitana toerana misy akoranafo ny ao amin' i Plotô.