Tanakh
Ny Tanakh, Tanak na Thanak izay atao hoe koa Baiboly hebreo dia fitambaran' ny boky mitovy amin' izay hita ao amin' ny Testamenta Taloha araka ny lisitry ny boky ao amin' ny Baiboly prôtestanta, ka ampiasaina ao amin' ny fivavahana jiosy (jodaisma). Mizara telo lehibe ny Tanakh, dia ny Torah ("lalàna") sy ny Nevi'im ("Mpaminany") ary ny Ketûvim ("Soratra").
![](http://upload.wikimedia.org/wikipedia/commons/thumb/7/79/Entire_Tanakh_scroll_set.png/220px-Entire_Tanakh_scroll_set.png)
Fiforonan-teny
hanovaNy teny hoe Tanakh (תַּנַ"ךְ), Thanak na Tanak dia fanafohezana ny andian-teny hebreo hoe:
- Tôrah (תּוֹרָה) sy
- Nevi'im (נְבִיאִים) ary
- Ketûvim (כְּתוּבִים).
Ireo dia manondro ny fizaràna telo hita ao amin' ny Baiboly hebreo. Ny hoe Tôrah dia azo adika hoe "lalàna"; ny Nevi'im (na Nebi'im) dia azo adika hoe "mpaminany (maro)" ary ny hoe Ketûvim (na Ketûbim) dia azo adika hoe "soratra (maro)".
Firafitry ny Tanakh
hanovaMizara telo ny Tanakh, dia ny Tôrah ("lalàna") sy ny Nevi'im ("mpaminany") ary ny Ketuvim ("soratra"). Tsy mifanandrify tanteraka amin' ny fizaràn' ny Kristiana ny Testamenta Taloha izany. Misy boky 24 ny ao amin' ny Tanakh. Ny boky iray ao amin' ny Tanakh dia mety hisaraka roa na maro ao amin' ny Baiboly kristiana. Ao amin' ny Torah ihany izany no tsy mitranga. Ny anaran' ireo boky ao amin' ny Tanakh dia manomboka amin' ny teny hebreo hoe Sefer izay adika hoe "boky" na "horonana" ("horonam-boky").
Ny Torah
hanovaNy Torah (תּוֹרָה "Lalàna") dia ahitana boky dimy, ireo atao hoe Boky dimin' i Mosesy. Toy izao avy ny anaran' ireo boky ireo amin' ny teny hebreo ary ny fifanandrifian' ny anarana ao amin' ny Torah sy ny Pentateoka:
- Sefer Bereshit (בראשית "Tamin' ny Voalohany"): Genesisy (na Jenezy)
- Sefer Shemot (שמות "Anarana"): Eksôdôsy (na Eksaody)
- Sefer Vayikra (ויקרא "Ary niantso izy"): Levitikosy (na Levitika)
- Sefer Bemidbar (במדבר "Ao an-tany efitra"): Nomery (na Fanisana)
- Sefer Devarim (דברים "Teny") : Deoterônômia (na Deoterônômy)
Ny Nevi'im
hanovaNy Nevi'im (נְבִיאִים "Mpaminany") dia mizara roa: ny Nevi'im rishonim (נביאים ראשונים "mpaminany taloha") sy ny Nevi'im aharonim (נביאים אחרונים "mpaminany farany" na "mpaminany taoriana").
Ny Nevi'im rishonim
hanovaMisy boky efatra ny ao aminan' ny Nevi'im rishonim ka ireto avy izy ireo:
- Sefer Yehoshua (יהושע): Jôsoa (Jôsoe)
- Sefer Shoftim (שופטים): Mpitsara
- Sefer Shemuel (שמואל): Samoela voalohany sy Samoela faharoa
- Sefer Melakhim (מלכים): Mpanjaka (Mpanjaka voalohany sy Mpanjaka faharoa)
Ny Nevi'im aharonim
hanovaNy bokin' ny mpaminany sisa rehetra dia ao amin'ny vondron'ireo atao hoe Nevi'im aharonim; ireto avy izy ireo:
- Sefer Yeshayahu (ישעיהו): Isaia (na Izaia)
- Sefer Yirmeyahu (ירמיהו): Jeremia
- Sefer Yehezkael (יחזקאל): Ezekiela
- Sefer Trei Assar (תרי עשר): "Mpaminany 12"
Ny bokin'ny mpaminany 12 voalaza etsy ambony sady atao hoe Trei Assar dia ireto avy:
- Sefer Hoshea (הושע): Hôsea (na Ôsea)
- Sefer Yoel (יואל): Jôela (na Jôely)
- Sefer Amos (עמוס): Amôsa (na Amôsy)
- Sefer Ovadiyah (עובדיה): Ôbadia (na Abdiasa)
- Sefer Yohnah (יונה): Jôna
- Sefer Mikhah (מיכה): Mika (na Mikea)
- Sefer Nakhum (נחום): Nahoma
- Sefer Khaggai (חגי): Hagay (na Akjea)
- Sefer Zekhariyah (זכריה): Zakaria
- Sefer Malakhi (מלאכי): Malakia
Ny Ketuvim
hanovaNy Ketûvim (כְּתוּבִים "Soratra") dia misy boky 11. Ireto avy izany:
- Sefer Tehillim (תהילים "Fiderana"): Salamo
- Sefer Mishlei (משלי "Fanoharana"): Ohabolana
- Sefer Iyyov (איוב): Jôba
- Sefer Shir haShirim (שיר השירים "Tononkiran' ny Tononkira"): Tononkiran' i Sôlômôna
- Sefer Ruth (רות): Rota
- Sefer Eikha (איכה "Aiza"): Fitomaniana
- Sefer Qohelet (קהלת): Mpitoriteny
- Sefer Esther (אסתר): Estera
- Sefer Daniel (דניאל): Daniela (na Daniely)
- Sefer Ezra wu Nekhem'yah (עזרא ונחמיה): Ezra sy Nehemia (na Esdeasa sy Nehemia)
- Sefer Divrei haYamim (דברי הימים): Tantara voalohany sy faharoa
Jereo koa
hanovaRohy ivelany
hanova- Raha hamaky ny Tanakh amin'ny teny hebreo: tsindrio eto (http://www.tanach.us/Tanach.xml#Home)