Anunsiyu ning pinalisasyon ning Single User Login
 | This page is kept for historical interest. Any policies mentioned may be obsolete. If you want to revive the topic, you can use the talk page or start a discussion on the community forum. |
Papalyari yang pamagbayu ing lupung ding talapanalkus (developer team) ning Katatagan Wikimedia kaugne king pamangamit kareng account, antimong metung kareng taglus-taglus ming pamanigobra bang magkalub bayu ampong mas masanting a kasangkapan kareng kekaming talagamit (antimo deng kapabaluan a tataglus-wiki o cross-wiki notifications). Ing epektu da reng pamagbayung deti, metung la mu account deng talagamit nukarinman. Uli na niti, adinan da kayung bayung gamit a sumaup kekayu bang mas masalese ing kekayung pamag-edit ampong pamisabi-sabi, at lakwas malagwa at makabage king sitwasyun ing pamamye kapaintulutan king pamangamit kareng kasangkapan (tools). Ing metung kareng kundisyun kaniti, metung ya mu ing account kareng eganaganang syam a ralan (900) a wiki ning Wikimedia.
Ita mu pin, e la mu metung o alang kalupa deng account kareng anggang wiki, nun e misasalungat la kareng aliwang talagamit a pareu mu naman lagyu ning account. Bang siguradung makagamit la ngan dening talagamit a deti kareng wiki ning Wikimedia king datang a panaun o paintungulan, ibayu mi la lagyu deng mapilan dareng account a reti, ba lang mika "~” ampo ing lagyu ning wiki king wakas ning lagyu ning karelang account. Marapat ining pamagbayu keng o keng manga 27 Mayo 2013. Alimbawa, ing metung a talagamit a “Example” king Swedish Wiktionary, miyalilan ya lagyu king “Example~svwiktionary”.
Gumana la pa murin anti king sadya deng account, at mirinan la pa muring kreditu o pamagkilala kareng anggang edit a gewa da. Nanupata, kaylangan dong gamitan deng talagamit a maki acount a mibayu lagyu (a tunggal-tunggal ming pabalwan), kaylangan deng gamitan ing bayung lagyu ning karelang account potang mag-login la.
Magi nang posibling ibayu la lagyu deng account king kabilugan, o globally; e ne mu lokal ing pamanggana ning kasangkapan a RenameUser o MagbayungLagyungTalagamit - uling deng anggang account kailangan lang alang kalupa king kabilugan - anya miurung ya king listaan dareng kasangkapan da reng burukrata (withdrawn from bureaucrats' tool sets). Kabud milyari iti, malyari de pa muring payaliling pasibayu deng talagamit ing lagyu ning karelang account, nung e re buri ing bayu dang lagyung talagamit.