Дорофеень, Закарь

Закарь Дорофеень
шачень	24 мартста 1890(1890-03-24)
шачема васта	Салазгярьге, Спассконь уезд[d], Томбунь губерния[d], Россиянь империясь[d]
куласть	18 июньста 1952(1952-06-18) (62 кизоня)
кулома васта	Моску, Советонь Соткс
мастор	Советонь Соткс  РСФСР  Россиянь империясь[d]
тев теят	валморайсь, этнограф, тонавтыця, ётафтысь
Закарь Дорофеень

Закарь Дорофеень (руз.: Захар Фёдорович Дорофеев; шач. 1890 — кул. 1952) — мокшень валморайсь, ётафтысь, сёрмадысь, тонафтысь, од мокшень кяльвалть ушедыец. Шачсь марайковть 4-це шистонза, 1890 кизоня Салазгярьге велеса Спасскяень уезса, Томбунь аймакса (тяни Мордовия республикать Тарбеень районць) мокшень тъналса.

Сёрмадомац

Сёрмадсь мокшень, рузонь кяльса. Валморамасонза улихть мотифт, коса маряви Шкайти пъшкядемась. Кочксезень мокшень фольклорть, ётафнезень синь рузонь кяльс (ёфкст: «Пяльхкяпряня», «Ленгянь и сиянь кошельня», «Колма братт колмонест», «Кода цёрась служась солдатонди» и стак тов). 1912 кизоня Москуса лиссь «Песни и думы народного учителя (Ломаттнень тонафтыть моронза-арьсеманза.)» валморань кярьксоц, кона лувондови мокшень ушетксокс од мокшень кяльвалти. Захар Дорофеев тюрьсь васенце масторлангонь тюрембингса. Торпингта мельдень кизотнень вятсь тонафтыень ди ломаньпуромксонь тефт. Сонь лезксонц вельде Мокша масторса ди Пенза аймакса панчфтольхть мокшень тонафтомвастт. Сон сёрмадозе «Валда ян» букварть, «Пиже пакся» морафтома кинигать, эрямопингонь тонафтома китапть, мокшень тонафтомвастонди методикань вятемань валкст. Ётафтозе мокшень кяльс М. Ю. Лермонтовть, А. В. Кольцовть, Н. В. Некрасовть, Ф. И. Тютчевть валмораснон. Дорофеень Закарь кулось 18 июльковста 1952 кизоня Москуса. 1990 кизоня Мордовиянь кинигань нолдамаста лиссь «Пацяяф мяльхть» сонь валморанзонды книгась.

Киниганза

• «Песни и думы народного учителя/Ломаттнень тонафтыеть моронза-арьсеманза». Моску, 1912
• «Валда ян» мокшень букварь, 1925
• «Пиже пакся» морафтома кинига, 1928
• «Эрямопингонь тонафтома китап», 1929
• «Пацяяф мяльхть.» Саранош, 1990