Literasi
Literasi iyâ arèya istilah umum sè arojuk de' ka saprangkat kamampoan bân individu èdâlâm amacah, anolès, acaca, amitong, bân amechaaghi masalah è dâlem tingkat kaahlian tartantoh sè èparloaghi e dâlem kaodian saarèh-arèh. Saèngghâ, literasi ta' bisah èlepasaghi dâri kamampoan abhâsah.
Dâlem bhâsah latèn, istilah literasi èsebbhut literatus,artènah orèng sè ajher. National Institute For Literacy ajelasaghi sè èmaksod bi' literasi iyâ arèya kamampoan sasorang untuk amacah, anolès, acaca, amitong, bân amechaaghi masalah è dâlem tingkat kaahlian sè èperloaghi dâlem alakoh, kaluarga, bân masyarakat. Education Development Center (EDP) ajelasaghi jhugân pengertian dâri literasi yakni kamampoan individu ngangghuy potènsi sè èkaandi' bân ta' sabâtes kamampoan bâcah tolès bhâi. UNESCO ajelasaghi jhugân literasi iyâ arèya saprangkat keterampilan sè nyatah khosossah katarampilan kognitif èdâlâm amaca ban anolès sè tarlepas dâri konteks è dimmah keterampilan sè èmaksod èolleaghi dâri sapah keterampilan kasebbhut èkaollè bân dâmma cara ollènah. Mongghu UNESCO, pamahaman sasorang de' ka literasi èngaroi sareng kompetensi bidang akademik, konteks nasional, nilai-nilai budaya sareng pengalaman. Bân èdâlem kamus online Merriem - Webster èelasaghi literasi iyâ arèya kamampoan otabâ kualitas melek aksara sè terdiri dâri kamampoan amacah, anolès bân kennal sareng faham ide-ide visual.