Mūrmastinis pogosts

Mūrmastinis pogosts
Nūvods:	Varakļuonu nūvods
Centrys:	Mūrmastine
Pluots:	174.51 km2
Dzeivuotuoju sk. (2010):	878
Bīzeiba:	5 dz./km2
Īstateits:	1945 godā

Mūrmastinis pogosts (latvīšu: Murmastienes pagasts) irā Varakļuonu nūvoda teritoriskais padalīņs Latgolā. Pogostā dora biblioteka, feļčeru punkts i pamatškola. Nivīnys bazneicys pogostā navā, ticeigī pīdar Barkovys ci Varakļuonu katuoļu parapejom.

Rūbeži

Mūrmastinis pogosts tur rūbežu ar:

• Varakļuonu nūvoda Varakļuonu pogostu;
• Krystapiļs nūvoda Atašīnis pogostu;
• Modyunis nūvoda Borkovys pogostu i Mātrainis pogostu.

Doba

Mūrmastinis pogosts irā Reitulatvejis zamainē. Lelumu zemu aizjim Jersikys leidzonaine, a pūstumreitu daļu Lubuona leidzonaine. Jersikys leidzonainē zemis vydyskai viļnainis, pa pūstumreitu - dīnavydvokoru tecīņam īt 3-12 m augsti kaupri, kas pūrā iztaisa garonys solys. Poša leluo nu jū Siksola dzeivojama. Iz solys pogosta poša augstuo viersyune 115 m vjl.

Pogosta teritoreju 7205 dekteru pluotā aizjim Teiču dobys rezervats i daļa nu Borkovys ūzuluoja.

Iudini

Upis:

• Islīne
• Lisine
• Meirānu kanals
• Mūrmastine (Direite)
• Oija (Ūjeņa)
• Teiceja
• Vabale

Iudiņtveris:

• Auku azars (5,3 dekteru)
• Islīnys azars (11,2 dekteru)
• Lelais Murmasts (29,4 dekteru)
• Lisins (33,5 dekteru)
• Mindougys azars (36,0 dekteru)
• Siksolys azars (14 dekteru)
• Tolkajis azars (14,3 dekteru)
• Viertiezs (19,0 dekteru)

Pūri i peisi:

• Teiču pūrs

Dzeivuotuoji

Mūrmastinis pogostā dzeivoj 878 ļauds, nu jū 94,8% latvīšu, 3,1% krīvu i 1,1% ukraiņu.

Solys

Mūrmastinis pogosta ļauds dzeivoj 28 soluos.

Zeimeigi ļauds

• Marta Buorbola - ailineica

Saimisteiba

Transports i saiteibys

Pogosta teritoreju škārsoj vīns vaļsteibys zeimebys autoceļš Modyune-Varakļuoni (P84) i nazcik vītejuos zeimeibys celi. Mūrmastinis naškārsoj nivīna dzeļžaceļa lineja, pogosta centram tyvuokuo staceja Stirnīne 16 km atstotumā.

Mūrmastinis pogosta teritoreju apkalpoj vīna posta atdale Mūrmastine (LV-4835).

Slavvītys

• Borkovys ūzuluojs - vaļsteibys zeimeibys nūlīgtiņs;
• Teiču dobys rezervats - vaļsteibys zeimeibys sorgojamuo teritoreja;
• Pīminieklis 1919 gods Breiveibys ceikstīņu dalinīkim - pastateits 1936 godā, atjaunynuots 1996 godā;
• Mūrmastinis krysta sāteņa - pastateita 1993 godā.