Fasa Principala
Chest artícol a l'è scricc in Lumbàrt, ortograféa orientàl unificàda. |
![](http://upload.wikimedia.org/wikipedia/commons/thumb/f/f3/InnerSolarSystem-en.png/220px-InnerSolarSystem-en.png)
![](http://upload.wikimedia.org/wikipedia/commons/thumb/4/48/Masses_of_asteroids_vs_main_belt.png/220px-Masses_of_asteroids_vs_main_belt.png)
La fàsa principàla dei asteròidi l'è la regiù del Sistema Solar sitüàda piö o méno 'ntramès a le òrbite de Marte e de Giove, cioè 'ntra le 2,3 e le 3,3 UA.
L'è popolàda de 'na quantità de còrp de fùrma iregolàra ciamàcc asteroidi o pianéti minùr. A mèter ensèma la màsa dei quàter ogècc piö gròs de la fàsa (Cerere, Vesta, Pàlade e Igea) i fà presapóch la metà de la màsa totàl dei ogècc che gh'è 'ndèla fàsa principàla. Cerere, che l'è l'ünich de chèsti ogècc che 'l g'hape le caraterìstiche per püdì véser clasificàt come pianeta nano, el g'ha 'n diàmetro médio de presapóch 950 km. Vesta l'è 'l segónt piö grant e 'l g'ha 'n diàmetro médio che 'l pàsa i 520 km. Se pènsa che töcc chèi ogècc ché i sàpe rèscc de la formasiù del Sistema Solar che gh'è mìa riàt a fundìs ensèma per vìa de la 'nterferènsa de la fórsa gravitasiunàla de Giove.