Liberalism
![](http://upload.wikimedia.org/wikipedia/commons/thumb/1/1b/Yellow_flag_waving.svg/220px-Yellow_flag_waving.svg.png)
El liberalism a l'è la filosofia politega e morala fondada in su la libertà e l'eguajanza. El gh'ha dent on fracch de frangg, ma tipicament tucc compartissen i libertà negativ, la democrazia, la difesa di diritt individuaj e 'l liber mercaa.
La società occidentala de incoeu a l'è assee fondada in su di principi liberai 'me i libertà individuài, el giudizzi giust e 'l governo costituzional cont la separazion di poder.
Storia
[Modifega | modifica 'l sorgent]![]() |
Per savenn pussee, varda l'articol Storia del liberalism. |
El liberalism el nass in del period de l'Inluminism, cont la volontà de sostituì la monarchia assoluta cont el Stat de Diritt e la democrazia e la fin di dazzi cont la vertura al liber mercaa.
John Locke a l'è consideraa vun di pader del liberalism classich, che l'ha mittuu i bas ideològich, cont l'ideja del diritt a la vita, a la libertà e a la proprietà.
El liberalism el s'è spantegaa in Inghilterra, indova el gh'ha avuu di connotaa de democrazia e in Franza, indova l'era per el nation building del Stat.
In del secol quell de 19 el liberalism el va al governo d'on poo de Stat, per esempi in Italia, appena unida, cont el Camillo Benso. In del secol quell de 20 el liberalism, insemma a di àlter fattor, el mena a la crisi de l'Islam politegh e al nass di Stat laich in di zon de l'Imperi Ottoman.
El secol quell de 20 a l'è anca essenzial per la connotazion politega: Se in di secol prima a vèss oppost al liberalism a l'éra el conservatorism cont el rivà di noeuv ideologij 'me el comunism e 'l fassism el scomincia a vèss consideraa oppost de lor pussee che del conservatorism.
Dopo de la segonda guerra mondiala la pupart di Stat, soratutt in l'Europa occidentala, hinn deventaa di democrazij liberal, cont di esempi anca in tra i dò guerr mondiai 'me la Cecoslovacchia.
Semper in tra el secol quell de 19 e quell de 20 el nass el liberalism social, 'na varianta del liberalism pussee egalitaria e che l'ha menaa al nass de la pupart di Stat sociaj. In di Stat Unii, indova che la pupart de la politega a l'è de ispirazion liberala a nivell econòmich, el termen "liberal" el se riferiss a la politega progressista a nivell social e a favor de la giustizia sociala.
El liberalism el gh'ha avuu on roeul assee importànt in del croll del Blocch Oriental, degià che la pupart di leader anti comunista l'era de ispirazion liberala, 'me el Václav Havel o el Lech Walesa e che la pupart di Stat sortii del comunism l'ha scernuu, almèn al principi, on sistema oltra che de democrazia liberala anca fortement liberista.
Variant
[Modifega | modifica 'l sorgent]El liberalism classegh, cont l'incontrà di àlter idej e tendenz politegh, l'ha desviluppaa di variant. I pussee important a hinn:
- Liberalism social: L'ideja liberala influenzada del pensee keynesian e che la pènsa che i libertà individuài sien garantii de la presenza de on Stat social
- Radicalism, l'ideja che l'ha daa origin al liberalism social in del 1800
- Ordoliberalism, ideja che la pènsa che 'l Stat el gh'ha el roeul de fà in manera che 'l liber mercaa el gh'abia 'na fonzion sociala, tipicament in d'ona economia soziala de mercaa
- Liberalism verd, 'na quajsevoeur ideja liberala che la integra di element ecologista in del sò programma
- Liberalism conservator, l'ideja liberala che la gionta di element del conservatorism e tipicament avversa a di formi de progressism
- Liberalism nazional, l'ideja liberala che la gh'ha di element nazionalista in la soa coltura
- Liberism, l'ideja che la cerca domà libertà economega. Anca se i liberaj pensen che la libertà economega a l'è 'na condizion necessaria per la libertà pensen anca che l'è mìnga assee. Gh'hinn staa de facc di Stat autoritari cont on'adressa economega liberala 'me el Cile de Augusto Pinochet.
Quand che, inveci, a hinn di àlter ideologij a incontrà el liberalism nassen di idej 'me el conservatorism liberal e 'l socialism liberal.
Aggettiv
[Modifega | modifica 'l sorgent]L'aggettiv per riferìss al mond liberal a l'è, in lombard, "liberal". A l'è però doperada anca la paròlla inglesa "liberal", che la se parnonzia /'liberal/, che la indica el liberalism social de origin american, de stamp marcatament progressista. Per esempi el Barack Obama, lìberal american, a l'è assee distant de 'na liberàla 'me la Margaret Thatcher e pussee vesin, in Europa, a la Emma Bonino o al Guido Westerwelle.
'N alter aggettiv a l'è "liberalista", doperaa per riferìss ai sostenitor del liberalism classegh.