Treno regional
![](http://upload.wikimedia.org/wikipedia/commons/thumb/a/ab/Milano_Affori_treno_Reg.jpg/220px-Milano_Affori_treno_Reg.jpg)
El treno regional o local a l'è on servizzi ferroviari a brev o media distanza e che 'l conliga di città de la midemma area o di aree arent, cont el fermàss anca in di stazion piscinitt.
Per Stat
[Modifega | modifica 'l sorgent]Italia
[Modifega | modifica 'l sorgent]![]() |
Per savenn pussee, varda l'articol Treno regional (Italia). |
In Italia el servizzi regional a l'è sicuraa in tutt el Stat, foeura che in Lombardia, de la Trenitalia e, in d'ona quaj region, anca di ent regionai che gestissen di lign locai 'me l'Ente Autonomo Volturno o i Ferrovie del Nord Barese. A gh'è anca la categoria de Treno regional velos, che 'l ferma no in di stazion men important. Di treni del servizzi ferroviari suburban de Napoli fann servizzi regional cont el titol de treno metropolitan
Lombardia
[Modifega | modifica 'l sorgent]In Lombardia el servizzi a l'è gestii de la Trenord che la fa di treni regionai e di treni suburban del servizzi ferroviari suburban de Milan a caratter regional. Ancha el servizi Malpensa Express (MXP) a l'è de caratter regional.
In Lombardia ghe passen anca di treni regionai de la Trenitalia, da o per di àlter region e de la TPER, in su la ferrovia Mantova-Suzzara.
Cechia
[Modifega | modifica 'l sorgent]In Cechia el servizzi regional a l'è garantii di České dráhy e l'è dividuu in Regional (Osobní vlak), che 'l ferma in tucc i stazion e Regional Espress (Spěšný vlak) che 'l evita i stazion men important.
Germania
[Modifega | modifica 'l sorgent]In Germania el treno regional (Regionalbahn) a l'è quell che 'l fa tucc i fermaa foeura de 'n contest urban. I gestor regionai a hinn Deutsche Bahn e Netinera.
Franza
[Modifega | modifica 'l sorgent]In Franza el Transport express régional a l'è gestii de la SNCF e i tratt a hinn indicaa di Consili Regionai.
Slovacchia
[Modifega | modifica 'l sorgent]In Slovacchia el traffigh regional a l'è gestii de Železničná spoločnosť Slovensko e l'è dividuu in Regional Espress e Regional.
Belgi
[Modifega | modifica 'l sorgent]In Belgi el servizzi ferroviari regional a l'è faa di InterRegio e l'è gestii de SNCB.
Paes Bass
[Modifega | modifica 'l sorgent]In di Paes Bass el straport regional a l'è gestii de Nederlandse Spoorwegen e l'è ciamaa Sprinter. El conliga i località secondari ai città pussee grand e viceversa.
Austria
[Modifega | modifica 'l sorgent]I treni REX conlighen la città de Vienna ai località cont on bon numer de fermaa. Vist che la nazion a l'è piscininna, anca i InterCity fann on servizzi arènt a quell regional o, al massim, interregional
Spagna
[Modifega | modifica 'l sorgent]In Spagna el servizzi regional a l'è faa de la Renfe e l'è ciamaa Media Distancia. El viaggia anca, finna a 250 km/h, in sui lign a volta velocità.
Svizzera
[Modifega | modifica 'l sorgent]I treni regionai (ciamaa Regio, cont el nòmm anca in di lengov officiai del Stat) conlighen i città de la stessa zona e hinn gestii per la pupart di Ferrovij Federai Svizzer, oltra che di ferrovij secondari compagn de la Zentralbahn o de la Ferrovia Retiga.
Polònia
[Modifega | modifica 'l sorgent]In Polònia i Pociąg Regio conlighen i zon arent domà a segonda class e senza prenotazion e hinn gestii de Przewozy Regionalne.
Riferiment
[Modifega | modifica 'l sorgent]- Our trains
- Trenord - Le linee R
- Discover Germany on regional trains Arqiviad qé: [1]
- Trains in Switzerland
- Trains in Poland
- TER|SNCF
- Trains in Austria
- Trains in the Netherlands
- Trains in Belgium
- Trains in Slovakia