RAID

Quest articol chì l'è scrivud in lombard, con la Noeuva Ortografia Lombarda

El RAID (in origin Redundant Array of Inexpensive Disks, al dì d'incoeu Redundant Array of Independent Disks) a l'è un sistema che 'l permet de tacà insema pussee memorie de massa, de solit disch dur o drive a stat solid, inscì che deventen, per el computer, un drive unegh, che 'l met insema varie carateristeghe di drive che 'l fann su.

I nivei pussee doperad inn:

• RAID 0: el met insema i dimension di drive che 'l fann su, senza speggià i dacc né parità. Se un drive che 'l fa su el falliss, l'intregh RAID el falliss
• RAID 1: el gh'ha 'me dimension quella del drive pussee piscinin, e i alter inn doperad per speggià i dacc, senza parità. A l'è vist 'me la manera pussee segura de fà un RAID, ma l'è no eficent in del doperà del spazzi
• RAID 5: el dopera tucc i disch, in part per el controll de parità, in part per i dacc. Se el falliss un disch, a l'è possibel recuverànn el contegnud de tucc i alter. Se po sgiontà un alter disch de parità, in del cas se parla de RAID 6
• RAID 1+0: el fa un RAID 1 de du drive che inn fad a soa voeulta in RAID 0

A gh'è anca RAID 2, 3 e 4, che incoeu inn doperad poch perchè sostituid del RAID 5, e alter RAID mitud insema.

Riferiment

• RAID - Fastweb

Alter proget

Altri progetti

• Wikibooks
• Wikimedia Commons

• Wikibooks el gh'ha dent test o manuai in su RAID
• Wikimedia Commons el gh'ha dent imagin o alter archivi su RAID