Urbejidla
Aspetto
Articul per Ladin Gherdëina |
![Urbejidla tla Val de Cuecenes sota Fëur.](http://upload.wikimedia.org/wikipedia/commons/thumb/7/7e/Blindschleiche_Gr%C3%B6den.jpg/220px-Blindschleiche_Gr%C3%B6den.jpg)
La urbejidla (Anguis fragilis) ie n retil che fesc pert dla Lingioles. La urbejidla ie un di retii plu chemuns dl Europa zentrela. La semea a na beca ajache la à deguna giames y perchël vëniela suenz giamiëda per beca. La desferënzies dala beca ie che la coda devënta bel plan for plu setila, che i uedli se muef y che l' urbejidla à doi pitli bujes dales pertes, curii dala sgrofies, che ie la urëdles. La ie pa nce nia viërcia coche l univa suënz dit o minà. Chësc tier che, ie na lingiola sënza giames, destaca nce la coda canche l ie te pericul. L culëur ie grisc o ros sche l ram, la lunghëza ntëur i 35-40 cm. y l pëis ca. 30-50 gr. L va gën sun stredes y sasc per se sciaudè y perchël vëniel suënz menà sot dai auti.