Tango

ZE	Quésta pàgina a l'é scrîta in zenéize, segóndo a grafîa ofiçiâ

Tango

O tango o l'é 'n stîle muxicâle e 'na dansa do Río de la Plata, caraterìstica da çittæ de Bonesaire, ma ascì de Rosario e Montevideo, de òrìgine urbànn-a e famôso in tutto o mondo.

A seu mûxica a l'é marcâ inte doî tenpi, con 'na strutûa armònica tipicaménte italiànn-a, sunâ da 'n òrchèsta tìpica co-o bandoneon comme strùmento prinçipâle.

A dansa a se fâ in bâze a l'abràsso da cobbia, molto sensoâle e conplèssa.

I tèsti son conpòsti con çèrte paròlle de 'na parlâ locâle ciamâ lunfardo, e de sovente pàrlan de magoìn, speçialmente inte "cose de l'amô", sentîe da-a gente comùn, aspètto cò-o relasionn-a co-o blues.

Enrique Santos Discepolo, un di ciù grendi poêti do Tango, o l'à definîo comme in pensaménto triste ch'o se balla.

In prinçìpio, o tango o l'é nasciûo comme mûxica popolâre inta velôxe crescita da çittæ de Bonesaire, pinn-a d'imigranti, tra i quæ molti zeneixi, inta zöna do pòrto e o quartê da Bocca. Coscì i grendi outoî do tango (Le Pera, Contursi, Discépolo, Troilo, Espósito, Gardel, Filiberto, Razzano, Cobián, Cadícamo e âtri) n'àn fæto 'na mûxica nasionâle.

Âtri progètti

Altri progetti

• Wikimedia Commons

• Wikimedia Commons a contêgne di files in sce Tango

Ligàmmi de fêua

• ABCtango.com Guidda do Tango argentin
• ElPortalDelTango.com Testi, composcitoî, poexïe, stoje
• Esto.es/Tango
• Festivales.Tango.info Guidda môndiâle de festivâli de Tango
• La2x4: O scïto de 'na famôsa ràddio de Tango de Buenos Aires