Ton van Reen
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Ton van Reen (Waalwijk, 30 augustus 1941) is 'ne Nederlandstalige sjriever. E sjrieft literatuur väör volwassene, jeugdbeuk, huursjpele, gesjiedenis en joernalistiek waerk.
![](http://upload.wikimedia.org/wikipedia/commons/thumb/9/99/Ton_van_reen-1510766198.jpg/220px-Ton_van_reen-1510766198.jpg)
Biografie
[bewirk | brón bewèrke]Ton van Reen is es driejde keend van 'n wachmeester bie de Riekspolitie gebaore. Wie e driej maond waor, verhuusde 't Rooms Katholieke gezin nao Helje-Kapel. Wie Ton van Reen 10 jaor waor sjtorf ziene pap an 'n hartkraenkde. Nao de MULO en d'r militaire deens haat haeë es wirksjtudaent gewirkt es boewvakker, zieëmaan, verpleger en fabriekswirker. E wonde in dae tied in Amsterdam, Antwerpe, Delft en Fraankriek en ronde de aovend HBS aaf. Daonao wirkde haeë es free-lance sjriever en radiomedewirker. In 1968 trowde Ton van Reen mit Corrie Zelen en ze richde 'n oetgaeveriej op die väöral Afrikaanse literatuur oetgoof. In 1984 sjtopt-e mit zie waerk es oetgaever um zich eeges gaans op 't sjrieve te kinne richte.
Waerk
[bewirk | brón bewèrke]- In 1965 debuteerde van Reen mit d'r dichbundel Vogels en in 1966 kieëm d'r roman Geen oorlog oet.
- In 1985 versjiengt Toverring, 'n keenderbook en mit z'ne autobiografische roman Het winterjaar vestigt-e ziene naam es sjriever. Dis twieë waerke howwe 'n groeët sukses bie 't publiek en waoërte dör de critici good oonthaold.
- Daonao volgt 'ne sjtroom beuk, mit Roomse meisjes (1990) en Ontsnapt aan de galg, De Bende van de Bokkerijders (1986-1994) es hoeëgtepeunte.
- In 2001 volgt d'r roman Gestolen Jeugd en Oorlog, gedichte en verhaole uvver d'r kreeg oeëaan mieë es 60 sjriever 'n biedrage lieëverde.
- 2002 Klein Volk, uvver de kling luuj in d'r sjtrieëk.
- 2003 Achterom binnen, Limburgse 20ste-eeuwse gesjiedenis dör Limburgers eeges gesjraeve.
- Och De Bende van de Bokkerijders waoërt in dat jaor gebundeld en verfilmd. De TV-serie makde flot 'n heroetgaaf nuëdeg.
- 2005, Mosa, e preentebook dat och in 't Limburgs (Heljes) vertaald is.
- 2006 Twieë fieësuitgaves mit 't vreug waerk:
- Erfgoed, mèt Geen oorlog, De moord, De gevangene, Lachgas, Landverbeuren, De zondvloed, Katapult, De ondergang van Amsterdam en Bevroren dromen
- Het meisje zonder spiegelbeeld, mèt Het meisje zonder spiegelbeeld, Een vriendin voor dag en nacht, Het vliegende paard, Eindelijk veilig en Altijd al een heks.
- Verzamelbundel Rjke levens mèt Het winterjaar, In het donkere zuiden, Thuiskomst, Roomse meisjes, Zomerbloei, Wie zo van vrouwen houdt, Gevallen ster en Brandende mannen.
Oondersjèjinge en pries
[bewirk | brón bewèrke]- 1988 Halewijnprijs van de sjtad Remung.
- 1993 Pries van de kinder-en jeugdjury Belsj Limburg.
- 2003 Geridderd in de orde van d'r Nederlandse Leeuw.
- 2008 Rijke levens oetgerope töt bètste katholieke roman allertieje.
Lalibela
[bewirk | brón bewèrke]Ton van Reen is d'r oprichter van de Sjtichting Lilabela, die zich inzit väör de gelieknamige plaatsj in Ethiopië. Op alle mäögeleke menere probeert d'r sjriever gaeld bie-een te kriege väör de weeshoeze en 't oma-hoes die dao opgezat zeunt. Via de Stichting Wezen Tsegia hilpt-e 'n echpaar dat in 'n durpke in de buurt van Addis Abeba mieë es hoonderd weeskinger opvingt.