Bordeaux
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Bordeaux (Occitaans: Bordèu) is 'n stad in Fraankriek, regio Aquitaine-Limousin-Poitou-Charentes (kort-eweg Aquitanië), departemint Gironde, aronddissemint Bordeaux, mèt in 2013 243.626 inwoeners. Bordeaux is 't middelpunt vaan 'n vrij groete agglomeratie vaan mie es 870.000 inwoeners, in 't wijer vrij dunbevolk zuidweste vaan Fraankriek. Bordeaux ligk aon de revier de Garonne. In de buurt vint me bosse en moerasse ('t forêt Landaise), meh ouch oetgestrekde wiegerde boe me de wereldbekinde Bordeauxwiene maak. De stad heet Gallische wortele en stoont in de Romeinsen tied bekind es Burdigala. In de middeliewe veranderde de naom door volksetymologie in Bordeu (Gasconisch)/Bordelh (Provençaals)/Bordeaux (Frans), mèt de lètterleke beteikenis 'huiske' (cognaot mèt 'bordeel'). 't Waor in dezen tied de hoofstad vaan 't hertogdom Aquitanië, wat langen tied (soms oonder de naom Guyenne, wat gelieksteit aon Gascogne) Ingels bezit waor. Sinds 1453 waor 't Frans, meh 't wiedaof gelege Bordeaux leet ziech neet gemekelek in Fraankriek integrere. De stad bleujde op in d'n achtienden iew wie ze 't centrum vaan de koloniaolen handel woort. In en nao de revolutie woort Bordeaux e centrum vaan reactionair verzèt. Twie Franse premiers, Jacques Chaban-Delmas en Alain Juppé, waore nao d'n oorlog börgemeister vaan Bordeaux; Chaban (in naom) zelfs 48 jaor (vaan 1947 tot 1995).
Dit artikel is e sjtumpke. De kans Wikipedia helpe door 't aan te völle