Sjei

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Norbiks, es te dit dialek sjpriks.

---

Sjei (Nederlands: Schey of Scheij) ies 'n buurtsjap van Noorbaek in de gemeinte Èèsjde-Mergraote in 't heuvelland van Zuud-Limburg. In de Mieddelièwe haet hie 'n laathaof gelege mèt dae naam. De meiste häöf en hoezer (in totaal ca. 25, inclusief de tièn vakantieweuninge) liegke op 'n huègde mèt 'n wieds oetziech, woa 't Opsjei weurt geneump. Op de lange waeg Sjei sjtoon zès waeg- of veldkruzer. Get lièger aaf liek de haof Óndersjei. Es se op Sjei ummer wier nao baove lups, kump se in 't Belsj oet.

Ein van de zès waegkruzer in Sjei: diet Boumkruuske.

Ins op de drie jaor kump in 't gehuch de brónk van Norbik langs.

De Sjeierling

Sjeierling ies 'n plek langs de weeg van Norbik nao Ge Kruuts (Hoogcruts), die häöre naam te danke haet aan 'n ling, die hie gesjtange haet en in 1979 umgevalle ies vanwege 'ne sjtörm. In 1999 haet de heemkundevereiniging "Heem en Groen" 'n nuuj ling geplant.

Zuuch ouch

• Sjèj