Quentin Tarantino

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Quentin Jerome Tarantino is 'ne Amerikaanse regisseur. Heer is gebore in Knoxville, Tennessee, op 27 miert, 1963.

Zien films

Tarantino's films zien Arthouse-films. Oftewel alternatief, en miestal neet zoemer veur 't groete pebliek bedoelt. Bekans al zien films zien erg gewelddaodeg, op Jackie Brown nao, wat oeteindelek ouch ein vaan de minst populaire films woort. Toch zien ze oondaanks 't geweld, altied hiel fóffeg, meugelek zjus omtot ze zoe gewelddaodeg zien. Dit soort films valle oonder de term Nouvelle Violence. 'n Deil vaan de films die geregisseerd zien door Tarantino zien:

Neve 't regissere

Heer regisseert neet allein zien films, miestal sjrijf heer ze ouch hielemaol allein ('t gief gein films boe heer neet aon 't verhaol heet gewèrk) en heer acteert ouch dèks in de films die heer regisseert, al zien de rolle soms erg klein. In Reservoir Dogs späölt heer beveurbeeld ein vaan de hoofrolle, mer in Inglourious Basterds späölt heer mer e liek wat op de achtergroond lègk. Hei 'n lies vaan de "rol" (al zien neet al zien rolle ech "rolle" te neume) dee heer späölt in die films.

Reservoir Dogs, ein vaan de "dogs": Mr. Brown (Relatief groete rol)
Pulp Fiction, maan dee de garaasj laot oetliene aon de gangsters: Jimmie Dimmick (Relatief groete rol)
Jackie Brown, stum vaan de antwoordmesjien (Allein bekind bij fans)
Kill Bill, veurbijgenger in 't hospitaol (Paar sekondes te zien)
Death Proof, de barmaan dee Stuntmaan Mike good kint: Warren (Bijrölleke)
Planet Terror (heet heer neet gerezjisseerd, mer waor wel regisseur-assistent en producer), gemuteerde verkrachter (Bijrölleke)
Inglourious Basterds, deit heer drei dinger die allemaol allein bekind zien bij de fans: 't ierste nazi-liek in de film, de hen vaan Hans Landa in de wörgscène en 'ne Amerikaanse soldaot in de Duitse propaganda film
Django Unchained, 'ne slavehandeleer mèt 'n Alaskaons accent: geine naom (Bijrölleke)