Versailles
![](http://upload.wikimedia.org/wikipedia/commons/thumb/e/e8/Cour_de_Marbre_du_Ch%C3%A2teau_de_Versailles_October_5%2C_2011.jpg/220px-Cour_de_Marbre_du_Ch%C3%A2teau_de_Versailles_October_5%2C_2011.jpg)
![](http://upload.wikimedia.org/wikipedia/commons/thumb/f/f1/Chateau_Versailles_Galerie_des_Glaces.jpg/220px-Chateau_Versailles_Galerie_des_Glaces.jpg)
![](http://upload.wikimedia.org/wikipedia/commons/thumb/b/be/Gardens_of_Versailles_%E5%87%A1%E7%88%BE%E8%B3%BD%E8%8A%B1%E5%9C%92_-_panoramio.jpg/220px-Gardens_of_Versailles_%E5%87%A1%E7%88%BE%E8%B3%BD%E8%8A%B1%E5%9C%92_-_panoramio.jpg)
La Palasio de Versailles (en franses: Château de Versailles, pronunsiada "Xató de Versái") ia es la abita xef de la renes de Frans de Louis 14 en 1682 asta la comensa de la Revolui Franses en 1789. Lo es locada en la Departe de Yvelines de la rejion Île-de-France, sirca 20 km sude-ueste de la sentro de Paris.
La palasio es aora un Monumento Istorial Franses e un Loca de Erita Mundal de UNESCO. Lo es notable spesial per la Galeria de Mirores, la teatre Opera joalin, e la apartes roial. Per abituas roial plu intima, on ave la Grande Trianon e la Petit Trianon locada en la parce e un "vileta" peti spesial creada per Marie Antoinette. La Jardines de Versailles enorme, creada par André le Nôtre ave fontes, canales, e areas jeometrial de flores e arbores. La palasio ia es nudida de sua mobilas pos la Revolui Franses, ma multe pesos ia es redonada e multe salas ia es restorada.