Veda
Un Veda (sanskrito: वेद veda, "sabe", con la mesma orijina como "vide") es cualce de la scrivedas santa la plu antica en induisme, scriveda en sanscrito e conteninte imnos, filosofia, e gidas per rituos. Indus regarda la Vedas como apauruseya, cual sinifia "no de un umana", "supraumana", "nonpersonal", e "sin autor".
![](http://upload.wikimedia.org/wikipedia/commons/thumb/7/7b/Atharva-Veda_samhita_page_471_illustration.png/220px-Atharva-Veda_samhita_page_471_illustration.png)
Vedas es ance nomida leteratur sruti ("cual es oiada"), cual distingui los de otra testos relijiosa, cual es nomida smrti ("cual es recordada"). Un Veda, per teolojistes indu ortodox, es considerada revelas videda par sajias antica pos medita intensa, e testos cual ia es conservada plu atendente de edas antica. En la epica indu, la Mahabharata, la crea de la vedas es atribuida a Brahma. La imnos vedal mesma aserta ce los ia es creada capasosa par rishis (sajias), pos es inspirada creosa, como un carpentor construi un caron.
Seguente tradision, Vyasa es la composor de la Vedas, ci ordinada la cuatro tipos de mantras en cuatro samhitas ("colies"). On ave cuatro vedas: la Rigveda, la Yajurveda, la Samaveda, e la Atharvaveda. Cada veda ia es suclasida en cuatro tipos de testos: la samhitas (mantras e bondises), la aranyakas (testos sur rituos, selebras, sacrifias, e sacrifias simbolin), la brahmanas (comentas sur rituos, selebras, e sacrifias), e la upanishades (testos discutente medita, filosofia, e sabe spirital. Algas ajunta un category sinco: la upasanas (adora).