Sola
![]() |
Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
D'Sola war eng Maschinnepistoul, déi zu Ettelbréck vun der Société Luxembourgeoise d'Armes S.A. gebaut gouf.
Beschreiwung
[änneren | Quelltext änneren]Deen éischte Modell war d'Sola-Super, e Modell, dee staark vun der belscher Vigneron inspiréiert war.
D'Surface vun der Waff war gro sulphatiséiert a mat Ammoniak behandelt. De Grëff war aus Plastik.
Ënner dem Waffekierper war den Numm SOLA an e roude Léiw ageklappt, dee fir verschidde Commanden awer erausgefräst gouf.
Am Ganze bestoung d'Sola-Super aus just 38 Eenzeldeeler an hat e gestanzte Boîtier. Lénks iwwer dem Pistoulegrëff war e Knäppche mat deem een tëscht Eenzel- an Dauerfeier wiele konnt. Besonnesch war de Fait datt een och am Dauerfeiermodus duerch just liicht Drécken Eenzelschëss konnt ofginn an d'Prezisioun vun der Waff, déi wéinst deem fir eng Maschinnepistoul relativ laange Laf iwwer der Moyenne louch.
1957 koum de méi kuerze Modell Sola-Léger eraus, deen awer kee Succès kannt huet.
Laf
[änneren | Quelltext änneren]De Laf ass an Däitschland kaaft ginn. Duerno ass den Drall zu Wecker gehummert ginn. Duerno goufen déi réi Leef op Ettelbréck bruecht, wou se op d'Längt geschnidde goufen.
Fabrécksgebai
[änneren | Quelltext änneren]D'Fabréck stoung um Terrain vun der fréierer Ettelbrécker Duchfabréck.
Personal
[änneren | Quelltext änneren]An der Produktioun hunn am Duerchschnëtt 19 Leit geschafft.
Produktiounszuelen
[änneren | Quelltext änneren]Et goufen der eng Rei an Afrika an och der nach a Südamerika verkaaft, genee Zuele sinn net méi bekannt.