Escher Déierepark
![]() | |
Lokalisatioun | |
---|---|
Land | Lëtzebuerg |
Gemeng | Esch-Uelzecht |
Plaz | Gaalgebierg |
Koordinaten | 49°28'57,8"N, 5°59'5,8"O |
Fläch | 2 ha |
![]() |
![](http://upload.wikimedia.org/wikipedia/commons/thumb/7/7f/Bamhaus_Gaalgebierg-101.jpg/220px-Bamhaus_Gaalgebierg-101.jpg)
![](http://upload.wikimedia.org/wikipedia/commons/thumb/e/e2/D%C3%A9ierepark_Esch-Uelzecht_02.jpg/220px-D%C3%A9ierepark_Esch-Uelzecht_02.jpg)
Den Escher Déierepark ass en Zoo um Gaalgebierg zu Esch-Uelzecht.
En existéiert zënter 1962 an huet eng Fläch vun 2 Hektar.[1],[2] D'Entrée ass gratis.
2023 waren do ronn 25 Déierenaarten ze gesinn, dorënner Réi, Geessen a Geessebéck, Huesen, Gänsen, Pohunnen a Wäschbieren. D'Visiteure kënnen den Déiere speziellt Fudder ginn, dat an engem Fudderautomat disponibel ass.
Zum Escher Déierepark zielen och e pedagogesche Bauerenhaff, de "Bamhauscafé" an d'"Escher Bamhaiser", an deenen een eng Nuecht verbrénge kann.
Fir de Café a fir d'Bamhaiser mat den Zëmmeren, an deene Plaz fir véier bis sechs Leit ass, huet d'Stad Esch ronn 1,5 Milliounen Euro investéiert. Si goufen 2018 ageweit.[3] Bei de Luxembourg Tourism Awards vum Tourismusministère goufen d'Escher Bamhaiser an der Kategorie "Gîte, Bed&Breakfast, Auberge de jeunesse" an den Escher Déierepark an der Kategorie "Service touristique" ausgezeechent.[4]
Offiziell Websäit
[änneren | Quelltext änneren]Referenzen
[Quelltext änneren]- ↑ De Park op petitfute.com
- ↑ jeanette.lu: Escher Déierepark : une sortie estivale gratuite pour toute la famille! (15. Juli 2021)
- ↑ paperjam.lu: Une nuit dans les arbres, entre biches et chèvres vun der Mathilde Obert (31. August 2020)
- ↑ meco.gouvernement.lu: Lex Delles a remis les "Luxembourg Tourism Awards" (15. Oktober 2021)