Tomat
El tomat (lat.:Solanum lycopersicum) es una planta orijinala de Amerika Latina, konosida en toda la rejion entre el Nord de Chile asta Meksiko, ande fue topada por los espanyoles por la priméra vez dempues de la su arrivada a Amerika.
El nombre de la fruta de esta planta atan es yamada tomat, i el su nombre es orijinalmente del nahuatl xitomatl. Los primeros tomats ke arrivaron a Evropa tinian kolor amariyo, lo kualo eksplika deke en lingua italiana se le konose komo pomodoro '(mansana d'oro), ma oy endia los tomats de kolor amariyo son muy apresiados en Italia.[1] Kaji todos los tomats agora en Evropa son kolorados.
En Evropa los tomats no se konosieron asta el final del syéklo XV, anke endagora para el syéklo XVIII el tomat iva ser un ingredyénte fondamental en la kultura i la gastronomiya de los payizes Mediterraneos.
En jeneral, a Evropa i el Maghreb yegó el tomat i la teknika de kultivo, ma no la kultura de komo introduzirlo en las kumidas, la kuala oy endiya es diferente de la amerikana.
Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.
Referensias
[trocar | trocar el manadero]- ↑ Fernando Nuez El cultivo del tomate, Mundiprensa 1995
