Karta a Teman
La Karta a Teman (en ivrit: אגרת תימן, Iggéret Temán) era una karta emportante eskrita por Ramba"m ala komunita de Teman. Se kreye ke fue eskrita enel anyo 1172[1], por modre de la persekusion relijioza i la erejiya enel syéklo XII enel payis. La komunita temani, anke chika i espartida por todo el payis, azía negosios kon reushitá i uzava sus parás para merkar livros relijiozos.
Al empesijo de una revolta en kontro del sultan Selahaddin, fondador de la dinastiya Ayubi i de rito sunni, en vengansa los musulmanos shiis[2] atakaron los djudios de Teman. Al mismo tiempo, un ombre avlava de una mueva relijon, una relijion ke mesklava el djudaismo i el islam i dezía ke estava eskrito en la Tora ke el iva arrivar komo un navi. El antisemitizmo i la apostasiya ke estava muchiguando en la rejion izo ke uno de los mas grandes hahamim de Teman, Ya'akov ben Netanel ibn al-Fayyumi[3] eskriviese una karta demandando konsejo al Ramba"m, ke era muy konosido en todo el mundo djudio komo un gran haham kon konosensya de la Tora.
El Ramba"m repliko la karta en arabo i diskués esta karta fue tresladada al ivrit. La karta kavzó una gran impresion en la komunita i por modre de eya, el apoyo a los movimentos mesianiko i anti-relijiozo fueron amatados. Endemas fue uzada komo una fuente de huérsa, konoslasion i apoyo para la fey en momentos de antisemitizmo. Poko tiempo diskués, el Ramba"m se apresento ande Selahaddim en El Kayro, kon el buto de avlarle de la komunita temani. Poko diskués, fueron amatados los pogromos anti-djudios.
Ver endemas
[trocar | trocar el manadero]Referensias
[trocar | trocar el manadero]- ↑ Maimónides o Mosheh Ben Maimon (1138-1204). La web de las biografías (en lingua kastilyana)
- ↑ Iguéret teimán (la epístola del Yemén) (en lingua kastilyana)
- ↑ Kramer, Joel. Maimónides: Vida y enseñanzas del gran filósofo judío. Ed. Kairós. ISBN 978-84-7245-753-9 (en lingua kastilyana)