Halá
Halá (en ivrit חלה) es un pan echo kon forma de trensa espesial, el kualo es kumido en Shabbat i en los hagim, eksepto Pesah. Una de las 613 Mitsvot es azer en shabbat tres seudot. Asigun la relijion djudia, la kumida debe kontener pan, ansi ke enel empesijo de la seuda, se dize una beraha ensima de la halá, "amotzí léhem min a'aretz". El sinyifikado orijinal del biervo "Halá" es un chiko pedazo de masa. este pedazo, del tamanyo de un guevo, era dado a los koanim en la epoka del Bet Amikdash.