Islam
| |
| Islam | |
| Fondador | Mahomat |
| Deidad | Alá |
| Tipo | Monoteizmo, Relijión avraámika |
| Nombre i número de fiyeles | musulmanos, unos 1.200 milyones |
| Livros sagrados | Korán |
| Lingua relijioza | Arabo |
| Orijinala de | Arabia, Medio Oryente |
| Lugares Santos |  La Meka Medina Yerushalayim Hevron Qom
|
| Payises kon mayor povlasion |  Indonesya Pakistan  India Bangladesh
|
| Ritos | Sunita, shiita, sufizmo |
| Sembol | لا اله الا الله محمد رسول الله (No egziste otro Dio ke Alá i Mahomat es el su mesenjero) |
| Templos | Mishkitas |
| Lideres relijiozos | Ayatolá, Ulema, Sheih |
| Relijiones relasionadas | Djudaismo i Kristianismo |
El Islam (en arabo: الإسلام; al-Islām) es una relijion monoteista abrahámika la kuala tiene el su dogma bazado enel livro del Koran, el kualo establese komo baze fondamentala para los sus kreyentes ke «No ay más Dio ke Ala[1] i ke Mahomat es el mesajero de Ala»[2] La palavra áraba Allāh , yevada al djudeo-espanyol komo Alá, signifika "Dio" i la su etimolojiya es la misma de la palavra semetika El, por la ke se nombra a El Dio en la Tora. Los estudiosos islámikos definen al islam komo: «La sumision a El Dio el Altísimo a traverso del monoteismo, la obeisensa i el abandono de la idolatriya».[3] El livro sagrado del islam es el Koran,[4] diktado por Alá a Mahomat a traverso de Yibril (el arkandjel Gavriel). Los siguidores del islam se yaman musulmanes (en árabo مسلم). Dan testemunyo ke Mahomat es el último de los profetas enviados por El Dio i el muur de la Navá.[5]
Se akseptan komo navis prinsipalmente (pero no limitándose) a Adan Arishon, Noah, Abraham, Moshe Rabenu, Shelomo Ameleh i Yeshu. Endemeás del Koran, los musulmanes de tradisiyon sunnita sigen los hadizes i la sunna del navi Mahomat, las kualas konforman el Enrejistro istóriko de las aksiyones i las ensinansas del Profeta. Se akseptan también komo livros sagrados la Tora, los Livros de Shelomo Ameleh i los Evanjelios (los kualos los kristyanos yaman Muevo testamento).
El islam es una relijión abrahámika monoteísta la kuala adora eksklusivamente a Alá. Se kree ke oy endia egzisten entre 1000 i 1800 milyones de musulmanes en el mundo (i en kresimyénto). Asigún el Vatikano el islam es la relijion má grande del mundo, ya ke resientemente a superado el número de katolikos,[6] i la sigunda relijion del mundo si no se desglosa el número de siguidores del kristyanismo.
El islam empiesó kon la predikasiyon de Mahomat enel anyo 622 en La Meka (en la aktuala Arabia Saudi). Basho el komando de Mahomat i los sus suksesores, el islam se ekstendió pishín por el mundo. Egzisten diferensias de opinion entre los musulmanes i no musulmanes si se egztendió por emposisiyon relijiosa porla huérsa, o por konversiyon de los puevlos al islam.
Referensias
- ↑ Koran 3:18.
- ↑ Koran 48:29.
- ↑ Al-Uzaimin, Muhammad Ibn Saalih (1997) p. 116.
- ↑ Koran 4:82.
- ↑ Koran 36:40.
- ↑ asigunel monsinyor Vittorio Formenti en una entrevista kon el djurnal vaticano L’Osservatore Romano. «Por priméra vez en la istorya, ya no estamos ariva: los musulmanes nos an alkansado». «El islam es la religión más grande, según el Vaticano»