Rhombites Maior
 | |
| Longitudo | 311 chm |
|---|---|
| Altitudo fontis | 100 m |
| Decursus aquae | 2,5 m³/s |
| Area systematis | 8650 chm² |
| Fons | confluentia fluminum Pertinacis et Korsunis |
| Ostium | Palus Maeotis |
| Regio | Cubania |
Rhombites Maior[1] (Graece Μέγας Ῥομβίτης), vulgo Ieia (Russice Ея), est flumen territorii Crasnodariani Russiae. In stanitsa Omophorii Nova (Novopokrovskaia) e confluxu fluminum Pertinacis (Upornaia) et Korsunis oritur, circa 311 chm per planitiem in fluxu inferiore valde paludinosam fluit et prope ad Eisk urbem in sinum Taganrogensem paludis Maeotidis per limenem Ieiensem influit. Permultis aggeribus per totum fluxum obstructus est irrigandi et aquam colligendi causa.
Strabo duos Rhombites nominat, quorum Maior sine dubio Ieia est.
Notae
[recensere | fontem recensere]- ↑ Strabonis Geographica XI 2, 4, Ptolemaei Geogr. V 9, 3; Mercatoris tabula Tauricae, 1595; Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 473. Cf. Eduardi Danielis Clark Travels in Various Countries of Europe, Asia and Africa, tomus I, p. 694. Vel Rhombites Magnus.
Nexus externi
[recensere | fontem recensere]
|
Situs geographici et historici: Locus: 45°55′51″N 40°41′5″E, 46°39′52″N 38°35′28″E • GeoNames • Большая российская энциклопедия |