Karaczaevo-Circassia
![Karaczaevo-Circassia: insigne](http://upload.wikimedia.org/wikipedia/commons/thumb/6/66/Coat_of_Arms_of_Karachay-Cherkessia.svg/85px-Coat_of_Arms_of_Karachay-Cherkessia.svg.png)
![Karaczaevo-Circassia: vexillum](http://upload.wikimedia.org/wikipedia/commons/thumb/5/59/Flag_of_Karachay-Cherkessia.svg/90px-Flag_of_Karachay-Cherkessia.svg.png)
Civitas: Russia
Locus: 43°55′0″N 41°47′0″E
Situs interretialis
Fines
Territoria finitima: Kabardino-Balkaria, Territorium Stauropolitanum, Territorium Crasnodarianum, Abascia, Mingrelia et Suania Superior
Forma
Caput: Cherkessk
Gestio
Consilium: People's Assembly of the Karachay-Cherkess Republic
Vita
Sermo publicus: Russica, lingua Nogaica, lingua Karaczaevo-Balcarica, lingua Cabardino-Circassica, Lingua Abassinica
Zona horaria: Tempus Mosquanum, UTC+3, Europe/Moscow
Commemoratio
Sigla
Karaczaevo-Circassia[1][2] (Russice Карачаево-Черкесия) seu Res Publica Karaczaevo-Circassica[1] (Russice Карачаево-Черкесская Республика, Karaczaevo-Balcarice Къарачай-Черкес Республика, Kabardino-Circassice Къэрэшей-Шэрджэс Республикэ, Abassinice Къарча-Черкес Республика, Nogaice Карашай-Шеркеш Республикасы) est subiectum Foederationis Russicae, ab anno 2010 in eius districtum (circulum) foederalem Septentrio-Caucasicum inclusum. Formata est anno 1922 ut regio autonoma Karaczaevo-Circassica, quae anno 1992 statum hodiernum obtinuit.
Karaczaevo-Circassia, aream 14 277 chm² habens, in Caucaso Septentrionali sita est, cum territorio Crasnodariano in occidente, territorio Stauropolitano in septentrione, re publica Kabardino-Balkarica in oriente atque cum Georgia Abasgiaque in meridie contermina. Circa 468 milia incolarum (anno 2016) habet. Secundum censum 2010, gentes plurimae ibi sunt Karatchai[3] (41 %), Russi (31,6 %), Circassi (11,9 %), Abassini (7,8 %) et Nogai (3,3 %). Linguae omnium harum gentium (Karaczaevo-Balcarica, Kabardino-Circassica, Abassinica, Nogaica) sunt publicae in Karaczaevo-Circassia, Russica ibi est lingua communicationis internationalis.
Caput rei publicae est urbs Čerkessk, altera urbs magna Teberda.
Hypanis et Kuma flumina in re publica oruintur; Teberda est flumen magnum. Per Elbrum montem confinium cum Cabardino-Balcaria transit.
In Karaczaevo-Circassia sunt nonnullae areae naturae speciali protectae, e quibus sunt Reservatum Teberdense et pars Reservati Caucasici.
Notae
[recensere | fontem recensere]- ↑ 1.0 1.1 Norae Zabinkovae et Moysis Kirpicznikov Nomina physico-geographica principalia URSS s.v. Карачаево-Черкесская республика.
- ↑ Index plantarum herbarii florae URSS, 16-22, 1966.
- ↑ Gen "Karatchaorum" (Georgii Cuvier excursus ad editionem Plinii Naturalis historiae vol. III, Parisiis, 1827, p. 300).
Nexs interni
[recensere | fontem recensere]Nexus externi
[recensere | fontem recensere]![]() |
Situs geographici et historici: Locus: 43°55′0″N 41°47′0″E • OpenStreetMap • GeoNames • Store norske Lexikon • Большая российская энциклопедия |
![]() |
Vicimedia Communia plura habent quae ad Karaczaevo-Circassiam spectant. |