Dineś Guṇavardhana
![Dineś Guṇavardhana: imago](http://upload.wikimedia.org/wikipedia/commons/thumb/b/ba/Dinesh_Gunawardena.jpg/150px-Dinesh_Gunawardena.jpg)
Dineś Candra Rūpasiṅgha Guṇavardhana, litteris Singhalensibus දිනේෂ් චන්ද්ර රූපසිංහ ගුණවර්ධන et Tamulicis தினேஷ் சந்திர ரூபசிங்க குணவர்தன (Columbi in urbe die 2 Martii 1949 natus) est politicus Srilancae.
Alumnus est Regalis Collegii Columbensis et Universitatis Oregonensis, unde nuper baccalaureatus Novum Eboracum profectus est. Dum in Civitatibus Foederatis morabat contra bellum Indosinicum II agitavit. Patre anno 1972 mortuo in Srilancam revenit. Universitatem Negotii Nyenrode in Nederlandia postea frequentavit.
Legatus est parlamento Srilankensi ab anno 1983 usque in 1994, rursus ab anno 2000. Statim minister a commeatu, anno insequenti etiam minister a circumiectu factus est. Ab anno 2004 minister ab evolutione urbana, ab 2010 usque in diem 12 Ianuarii 2015 minister ab aqua provehenda factus est. Minister rerum externarum a die 22 Novembris 2019, minister ab eruditione ab 16 Augusti 2021, minister ab administratione et rebus internis 18 Aprilis 2022 meruit. Praeside Gotābaya Rājapakṣe effugo, Dineś Guṇavardhana (contubernali Ranil Vikramasiṅghe ad officium praesidis subito elevato) die 22 Iulii 2022 primus minister creatus est.
Bibliographia
[recensere | fontem recensere]- "Dinesh Gunawardena, Sri Lanka president's schoolmate, to be next PM: Report" in Hindustan Times (21 Iulii 2022)
- Dishan Joseph, "Loyal to Royal: Dinesh Gunawardena recollects memories of Ranil Wickremesinghe" in Sunday Observer (30 Iulii 2017)
Nexus externi
[recensere | fontem recensere]- "Hon. Dinesh Gunawardena, M.P." apud Parlamentum Srilankense
Abdul Cader Shahul Hameed 1978 • Ranjan Wijeratne 1989 • Harold Herath 1991 • Abdul Cader Shahul Hameed 1993 • Lakshman Kadirgamar 1994 • Tyronne Fernando 2001 • Lakshman Kadirgamar 2004 • Anura Bandaranaike 2005 • Mangala Samaraweera 2005 • Rohitha Bogollagama 2007 • G. L. Peiris 2010 • Mangala Samaraweera 2015 • Ravi Karunanayake 2017 • Tilak Marapana 2017 • Dineś Guṇavardhana 2019 • G. L. Peiris 2021 • Ali Sabry 2022 Capsae cognatae: Primi ministri Srilancae | |