Cimon
![](http://upload.wikimedia.org/wikipedia/commons/thumb/a/ae/KimonSculpture.jpg/220px-KimonSculpture.jpg)
Cimon (circa 510 a.C.n. natus; 450 a.C.n. mortuus) Miltiadis filius, fuit rerum politicarum peritus et strategus Atheniensis. Plutarchus et Cornelius Nepos de vita sua scripserunt. In dictionario poetico[1] Hermanni Torentini (1538) sic describitur: "Cimon Atheniensis dux (...) qui ut sepeliretur corpus patris in carcere mortui, ipse pro illo ligari se fecit. Postea Persas superavit terra et mari."
De familia
[recensere | fontem recensere]Cimoni tres filii fuere Lacedaemonius, Thessalus, Elaeus quos ex Arcadica uxore genuit[2].
De rebus gestis
[recensere | fontem recensere]Post bella Persica Cimon praecipuus strategus Atheniensium fuit ː oppidum Eionem ad Strymonem flumen a Persis adhuc occupatum expugnavit et Persas in Pamphylia terra marique vicit. Plures insulas quoque Maris Agaei, Atheniensium socias, cum a Foedere Delio secedere vellent, armis subegit. Obiit in ultima expeditione adversus Cyprios[3]
De exsilio
[recensere | fontem recensere]Cimon proxenus Spartae erat[4] ; itaque cum bellum "tertium" dictum inter Messenios et Lacedaemonios post terrae motum circa 464 a.C.n. conflagravit, Atheniensibus persuasit ut sese cum quattuor milibus peditum Lacedaemoniis auxilio mitterent. Sed quamquam poliorceticae peritissimus habebatur montem Ithomen in quam Messenii ceterique hilotae sese receperant expugnare non potuit ita ut etiam perfidiae suspicionem apud socios moveret qui Athenienses domum redire iusserunt[5]. Tum ipsi Athenienses victoriarum Persicarum immemores per ostraca in exsilium Cimoni proficiscendum esse iudicarunt[6] nec eum revocarunt nisi anno 551, hoc est ante biennium quam obiret.
Fontes
[recensere | fontem recensere]- Aristoteles, De republica Atheniensium 27
- Herodotus, Erato 136
- Plutarchus, Vitae parallelae ː Cimon et Pericles 7-10 et 29
- Thucydides libro primo de Bello Peloponnesiaco 98-102 et 112
Notae
[recensere | fontem recensere]- ↑ Hic hunc librum invenies.
- ↑ Pericles 29.2
- ↑ Thucydides 1.112.
- ↑ Aeschines, de Falsa legatione 172.
- ↑ Thucydides I.102. Diodorus Siculus XI.64. Plutarchus, Cimon 16-17. Pausanias IV.24.5-7
- ↑ Plato, Gorgias 516d
Nexus externi
[recensere | fontem recensere]- Biographia a Cornelio Nepote scripta (Latine, Germanice)
![]() |
Haec stipula ad biographiam spectat. Amplifica, si potes! |