Astyanax
Astyanax (Ἀστυάναξ = "urbis dominus", ita a Troianis appellatus quia solus Hector Ilium tuebatur[1]) vel Scamandrios (Σκαμάνδριος[2], Σκάμανδρος ab ipso patre appellatus) in mythologia Graeca est filius Hectoris et Andromaches coniugis eius. Una e lepidissimis scaenis Iliadis exeunte carmine sexto Astyanactem patris ad proelium properantis galeam cristamque reformidantem et lacrimantem ostenditː tunc pater abiecta galea puerum manibus sustulit et osculatus est[3]. Troia capta a Graecis victoribus, adhuc filium Hectoris timentibus ne olim bellum renovaret, ex altissima turre praecipitatus est. Quod horrendum fatum et Euripides[4] et Seneca[5] in scaenam protulerunt. Aetate moderna et Maphaeus Vegius de Astyanacte poema conscripsit.
Notae
[recensere | fontem recensere]Fontes
[recensere | fontem recensere]- Euripides, Troades 713-789 et 1133sqq.
- Ilias VI.399-404 et 466-484 necnon XXII.484-515 et XXIV.726-739.
- Seneca, Troades
Plura legere si cupis
[recensere | fontem recensere]- Pascale Brillet-Dubois, "Astyanax et les orphelins de guerre athéniens. Critique de l’idéologie de la cité dans les Troyennes d’Euripide", Revue des études grecques, 2010ː 29-50.
- M. Dyson et K. H. Lee, "The Funeral of Astyanax in Euripides' Troades", The Journal of Hellenic Studies, 2000ː 17-33
- Louis H. Feldman, "Ascanius and Astyanax: A Comparative Study of Virgil and Homer", The Classical Journal, 1958ː 361-366
 | ||||
| ||||