Gulielmus I (imperator Germaniae)
Gulielmus I (Berolini natus die 22 Martii 1797 ut Gulielmus Fridericus Ludovicus de Hohenzollern - ibidem obiit die 9 Martii 1888), secundus filius Borussiae regis Friderici Gulielmi III fuit ab anno 1858 Vicarius Regis et ab anno 1861 rex Borussiae ac ab anno 1871 primus Imperator Germanicus (Germanice Deutscher Kaiser).
![Gulielmus I (imperator Germaniae): subscriptio](http://upload.wikimedia.org/wikipedia/commons/thumb/1/1c/Wilhelm_I%2C_German_Emperor_Signature.svg/150px-Wilhelm_I%2C_German_Emperor_Signature.svg.png)
Obitus: 9 Martii 1888; Berolinum
Patria: Regnum Borussiae, Imperium Germanicum
Nomen nativum: Wilhelm I. Friedrich Ludwig von Hohenzollern
Familia
Coniunx: Augusta
Proles: Fridericus III, Princess Louise of Prussia, Agnes Dettman
Familia: House of Hohenzollern
Memoria
Iuventus et Nuptiae
recensereGulielmus 22 Martii 1797 secundus filius Friderici Gulielmi III regis Borussiae et Ludovicae de Megalopoli-Strelicia natus est. 11 Iunii 1829 Gulielmus Augustam de Saxonia-Vimaria-Ysenaco, filiam Caroli Friderici ducis magni in matrimonium duxit, e qua octo liberos habuit, inter quos et Fridericus III, qui ei anno 1888 successit, fuit. 7 Iunii 1840 pater mortuus est et frater maior Fridericus Gulielmus IV rex Borussiae factus est. Gulielmus nunc princeps Borussiae, i.e. regni heres nominatus est.
1848
recensereAnno 1848 inter populares tumultus Gulielmus acriter in cives Borussiae libertatem tum poscentes consuluit aliquos etiam necari iussit. Itaque aliquando patriam relinquere coactus est.
Procurator regni et rex Borussiae
recensere7 Octobris 1858 Gulielmus pro Friderico Gulielmo IV fratre aegroto procurator regni factus est et 2 Ianuarii 1861 fratri mortuo rex Borussiae successit et die 18 Octobris eiusdem anni Regiomontii coronatus est.
Iurgium de constitutione Borussiae et nominatio Othonis de Bismarck
recensereAnno 1862 Gulielmus cum parlamento Borussiae de pecunia ad exercitum exstruendum iurgavit. Iam de abdicatione cogitavit, cum Othonem de Bismarck praesidem ministrorum Borussiae fecit. Is proximis annis bellis gerendis Borussiam principem civitatem Germaniae fecit et obtrectatores regis commovit, ut obmutescerent.
Bella conciliationis
recensereTria bella Borussia Gulielmo et Bismarck ducibus proximis annis gessit: Anno 1864 una cum Austria contra Daniam, quae victa Slesvicum et Holsatiam tradere coacta est. Anno 1866 bellum contra Austriam atque Confoederationem Germanicam gesserunt. Victoria parta magnas partes Germaniae Borussiae adiecerunt, ut e.g. Regnum Hannoveram et Francofurtum ad Moenum. Id autem Bismarck suadente contra Gulielmo I invito factum est. Anno 1867 Foederatio Germanica Septemtrionalis Borussia duce condita et Austria e Germania expulsa est. Anno 1870 Foederatio Germanica Septemtrionalis contra Franciam Napoleone III duce bellum tertium gessit atque vicit: Elisatia et Lotharingia novo imperio Germaniae adiunctae sunt.
Imperator Germanicus
recensereBello contra Franciam nondum finito Gulielmus I 18 Ianuarii 1871 Versaliarum apud Lutetiam a principibus Theodiscis imperator Theodiscus proclamatus est. Bismarck autem nunc cancellarius imperatoris novi factus est.
Insidiae
recensere2 Iunii 1878 - Berolini insidiae contra Gulielmum I comparatae sunt: Imperator graviter sauciatus, sed vita eius servata est. Propter insidias custodes publici contra Sociales Democraticos egerunt, qui insidiarum false accusabantur.
Mors
recensereGulielmus usque ad mortem 9 Martii 1888 regnavit. Successor eius Fridericus III filius factus est, qui autem 99 dies tantum patri superfuit.
Nexus externi
recensere- Pretiosa apud DDB
- Vicifons
- Chronica Borussica
- Wilhelm I. von Preußen – rbb Preußen-Chronik
- Christian Feldmann: Kaiser Wilhelm I. - Der letzte Preuße, Bayern 2/Radiowissen, emissio radiophonica 18 Ianuarii 101`
- Jörg Beuthner: 22.03.1797 - Geburtstag von Kaiser Wilhelm I., WDR/ZeitZeichen, emissio radiophonica 22 Martii 2017