Рига

Отурукташкан жай Рига Желек Герб Өлкө ЛатвияЛатвия Координаттар 56°56′51″ с. ш. 24°06′25″ в. д. Ички бөлүнүшү 6 район Мэр Нил Ушаков Тарыхы жана Географиясы Негизделген күнү 1201 Аянты 304,05 км² Борборунун бийиктиги 7 м Климатынын түрү мелүүн деңиздик Убакыт аралыгы UTC+2, жайында UTC+3 Калкы Калкы ▼ 641 007 адам (2015) Жыштыгы 2276,3 адам/км² Этнохороним ригалык, ригалыктар Сандык идентификаторлор Телефон коду +371 Почта индекстери LV-10(01-84) Автоунаа коду LV Расмий сайты http://www.riga.lv/ Рига (Жер)

Рига – Латыш Республикасынын борбору. Даугава дарыясынын боюнда Балтика деңизинин Рига булуңуна куя беришинде жайгашкан. Климаты деңиздиктен континенттикке өтмө. Январдын орточо температурасы -4,5°С, июлдуку 18°С. Жылдык жаан-чачыны 649 мм. Калкы 706 миң (2010). Темир жол түйүнү. Деңиз порту. Шаар алгач 1198-жылдан эскерилет. 1201-жылдан шаар. Машина куруу (анын ичинде электр-техникалык, радио электроника), металл иштетүү, химиялык, химиялык-фармацевтика, полиграфиялык, жыгаччылык, жеңил, тамак-аш, парфюмерия-косметика өнөр-жай ишканалары, курулуш материалдар өндүрүшү иштейт. Латвия ИА, ЖОЖдор (анын ичинде университеттер, музыка академиясы ж. б.), 21 музей (анын ичинде тарых, кемечилик, сүрөт ж. б.), 9 театр (анын ичинде улуттук опера жана балет) ж. б. бар.

Шаардын эски бөлүгүндө Домский собору (13-кылым), Екаб (13-кылым) жана Петер (13-14-кылымдардын башы) чиркөөлөрү, Орден сепили (14–19-кылымдар), 15–18-кылымдардагы турак жайлар ж. б. сакталган. Боордоштор көрүстөнү (1924–36) мемориал комплекси бар. Ригага жакын жерде климаттык (Юрмала, Огре, Сигулда) жана бальнеологиялык (Балдоне жана Кемери) курорттор жайгашкан.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9