Tables
![]() | |
Ensampel a |
gwari moos, dice game, social game ![]() |
---|---|
Klass |
sport breus ![]() |
![]() |
![](http://upload.wikimedia.org/wikipedia/commons/thumb/6/63/Backgammon_board.jpg/400px-Backgammon_board.jpg)
Tables po tablys yw onan a'n gwariow moos kottha rag dew warier. An darnow gwari yw gwayys herwydh rol dis, ha gwarioryon a wayn dre riddya oll an darnow dhyworth an voos. Yma lies varyans dhe dables, mes an brassa rann anedha a gevrann nasyow kemmyn.
Pub gwarier a way darnow a-dro dhe'n voos. Gwarioryon a rol dew dhis dhe dhiskudha pana hirder hyll aga darnow gwaya yn unn tro. Gwaynyer an gwari yw an kynsa dhe waya pub darn oll an fordh a-dro dhe'n voos hag yn kerdh an voos.
Restrys yw an gwari yn asymetrek. Gwynn a way yn korth-naswedhek, ha Du a way yn naswedhek (nyns eus les dhe'n unn tu drefen hemma).
Kyns hwrello rol an dhew dhis komendya rann jonsys dhe'n gwari, yn essensek gwari towl yw tables. Termyn an gwari yw 15-30 mynysen, dell yw usys, rag gwari sengel (y hyllir prederi a-dro dhodho avel "leuv" hir a gartennow yn gwari kartennow).
Pur hir yw istori an gwari. Gwariow hevelep dhodho re beu gwariys a-dhia milyow a vledhynnyow. Hendhyskonydhyon yn Iran re dhiskudhas rannow gwari haval dhe dables, gans 60 a dharnow gwari, ha dew dhis. Dedhyes yw an taklow ma a 3,000 K.O.K.. An darnow ma yw 100-2000 bledhen kottha ages sett aral, diskudhys yn Ur.
![]() |
Onan a'n mil erthygel posekka war Wikipedya yw an erthygel ma. |