Lanndege
Appearance
![](http://upload.wikimedia.org/wikipedia/commons/thumb/a/ac/Old_Kea_Church_Tower._-_geograph.org.uk_-_385332.jpg/220px-Old_Kea_Church_Tower._-_geograph.org.uk_-_385332.jpg)
Tre yn Kernow yw Lanndege, yn Pluw Ge, war lann west an Hyldreth neb dew vildir dhe'n soth a Druru, hag ogas dhe'n dre Ke. Rekordyes veu hanow an dre avel hanow manor, Landighe, yn 1086. Y leverir henwyn an diw dre, ha hanow an bluw keffrys, dhe vos war-lergh Sen Ke a dheuth dhe Lanndege dhyworth Wordhen y'n 5es kansvledhen. Deskrifys yw y vewnans y'n gwari meur Kernowek Bewnans Ke.