Куликов Сергей Лукич
| Куликов Сергей Лукич | |
| Чужан лун: |
1921-ӧд вося кӧч тӧлысь 30-ӧд лун |
|---|---|
| Чужанін: | |
| Кулан кад: |
2015-ӧд вося тӧвшӧр тӧлысь 27-ӧд лун (93 арӧс) |
| Канму: | |
| Мыйся уджыс: | |
Куликов Сергей Лукич (1921—2015) — коми поэт, вуджӧдчысь, Коми АССР-са школаясын нимӧдана велӧдысь.
Олан туй
[вежны | Вежны кодировкаын]Сергей Куликов чужӧма 1921-ӧд вося кӧч тӧлысь 30-ӧд лунӧ. Сыктывкарын велӧдысьяслысь институтын велӧдчигӧн сійӧс босьтӧмаӧсь армияӧ. 1940-ӧд вося арын сержант Куликов веськалӧма Финляндия суйӧр бокӧ. Айму вӧсна Ыджыд тыш кадӧ зырӧма фашистъясӧс Псковсянь Чехословакияӧдз. Чужанінас бергӧдчӧма 1947-ӧд вося тӧвшӧр тӧлысьын. Гӧрд дипломӧн помалӧма институт, а сэсся 37 во уджалӧма Шойнатыса шӧр школаын, велӧдӧма физика; 28 во вӧлӧма школаса директорӧн. Кык во веськӧдӧма Кӧрткерӧс районса йӧзӧс велӧдан юкӧдӧн.
Кулӧма 2015 вося тӧвшӧр тӧлысь 27-ӧд лунӧ.[2]
Гижан удж
[вежны | Вежны кодировкаын]Гижӧма кывбуръяс, висьтъяс, очеркъяс, комиӧдӧма роч гижысьясӧс.
Челядьлы дасьтма «К ребятишкам в гости: Стихи. Челядь дорӧ гажӧн» небӧгтор (1990), кытчӧ пырма 23 комиӧдӧм роч кывбур. Роч авторъяс лыдын: Агния Барто, М. Клокова, В. Хорол, А. Бродский, В. Жуковский, П. Воронько, Н. Саковская, Е. Серова, Е. Благинина, М. Познанская, А. Плещеева, В. Берестов, М. Пожарова, Корней Чуковский, И. Суриков, Самуил Маршак.
Вуджӧдӧма войнаса сьыланкывъяс. «Победалӧн вунлытӧм тулыс» сьыланкыв чукӧрӧ (Сыктывкар, 2010) пыртӧма Сергей Куликовлысь 13 вуджӧдӧм гижӧд.[3]
Небӧгъяс
[вежны | Вежны кодировкаын]- К ребятишкам в гости: Стихи. Челядь дорӧ гажӧн: Кывбуръяс / Сост., перевод С. Л. Куликов. — Сыктывкар: Коми книжнӧй издательство, 1990. — 25 л.б.
Наградаяс
[вежны | Вежны кодировкаын]- Уджвывса ветеран
- Коми АССР-са школаясын нимӧдана велӧдысь
- «Почёт Пас» орден
- «Гӧрд Кодзувлӧн орден»
- «Отвагаысь» медаль
- «1941—1945 воясӧ Айму вӧсна Ыджыд тышын Германия весьтын Вермӧмысь» медаль
- «1941-45 воясся Айму вӧсна Ыджыд тышын 20 вося Вермӧмлы» казьтылан медаль
- «СССР-са вооружённӧй вынъяслы 60 во» казьтылан медаль
- «1941-45 воясся Айму вӧсна Ыджыд тышын 30 вося Вермӧмлы» казьтылан медаль
- «СССР-са вооружённӧй вынъяслы 60 во» казьтылан медаль
- «Айму вӧсна Ыджыд тыш воясӧ бур уджысь» казьтылан медаль
- «Доблестнӧй уджысь (Воинскӧй доблесьтысь). В. И. Ленин чужӧмсянь 100 во тыриг кежлӧ» юбилейнӧй медаль (1970)
- Коми АССР-са просвещенньӧ Министерстволӧн Почёт грамота
Ӧшмӧсъяс
[вежны | Вежны кодировкаын]Ыстӧдъяс
[вежны | Вежны кодировкаын]- ↑ 1,0 1,1 http://moypolk.ru/node/167347/detailinfo
- ↑ Кулӧм йылылсь юӧр // «Коми му» газет. 2015 во, 4 №, тӧвшӧр тӧлысь 29-ӧд лун
- ↑ Победалӧн вунлытӧм тулыс