|
Tu tê bikoşe karê xwe bike, li kêmasiyên te dê bêt borîn.
Thomas Jefferson
Jiyan bêyî xebat û xwewestandinê ti nade mirovî.
Quintus Horatius Flaccus
Ti dostek wek zîrekiyê baş nîne. Dostaniya xwe li gel zîrekiyê xurt bike, dê qet bêxwedî nemînî.
Bhartrihari
Ti kar ne dijwar e ger bixwazî bikî.
Eusebius Hieronymus
Tenê bi rêya kar dikarî dinyayê wek mala xwe hest bikî.
Berthold Auerbach
Kes ji karî bi xwe hez nake.
Samuel Johnson
Ger zanîna xwe necerribînî, nikarî li bîra xwe bihêlî.
Gaius Plinius Caesar Secundus
Mirov dikare rojê heşt seetan vexwe yan navnivîniyê jî bike lê tek tiştê mirovî berhev bihêle kar e.
William Faulkner
Yê tembel herdem biniyet e bike.
pendek fînlendî
Yê birsî nikare, yê têr naxwaze.
pendek fînlendî
Yê dîn xwe bi karê xelkê ve dikuje.
pendek fînlendî
Paleyê te bi karê pê didî kirin ve dibetile lê bê westan hemî şolên xwe bi xwe dike.
Ugobardus Sulmonensis
Her kes dixebite: belengaz bo debara xwe, zengîn bo parastina malê xwe.
Torriano Piazza Universale
Mirov heywanek e ku amûran bi kar tîne.
Thomas Carlyle
Ma çima li rehetiyê digerrî madem bo karkirinê hatiyî çêkirin.
Thomas à Kempis
Bila xelk bikêlin, em binivin.
pendek fînlendî
Ji karê hinan hinên dî mifa werdigirin.
Aysopos
Her kes li gor hinêra xwe, bo her kesî li gor pêdiviyên wî.
Karl Marx
Nîşana koletiyê ye ger te jî bihayê xwe hebe û bi wî bihayî bikarî werî kirrîn.
John Ruskin
Nefsa yê tembel her dixwaze bêyî ku ti bi dest bikeve lê canê yên zîrek tê têrkirin.
Pendnameya Pirtûka Pîroz
Mîna baweriyê, baldirêjî û çalakî jî çiyayan dihejînin.
William Penn
Dema mirov ti neke, dê fêrî xirabiyê bibe.
Catoyê mezin
Destpêk giringtirîn pişka karî ye.
Efleton (Platon)
Ji berê ve tê zanîn ku bo bênvedanê ew jî bes e ku dest bi xebatek nû bikî.
Lewis Morris
Hinêrek hêja ye fêrbûna bênvedana bi guhertina karekî bi yek din.
Matti Kuusi
Destpêk çawan be, dawî dê wisan be.
Hieronymus
Kar bi xwe bikirê xwe kêfxweş dike.
Martialis
Yê kar dike, duayan dike.
Augustinus
Nan ne bi xwarinê lê bi xwestinê xilas dibe.
pendek fînlendî
Yê pirr hez dike, pirr dixebite.
Thomas à Kempis
Mirov bi her tiştî dikerrixe ji bilî karî.
Gaston de Léwis
Ger te niyet e bixebitî, aniha bixebite.
Plautus
Dê belengaz bibe ew yê destên xwe bi tembelî bi kar tîne lê destê yên zîrek zengîniyê peyda dikin.
Pendnameya Pirtûka Pîroz
Kar û duayan bike.
Benedictusê Nursiyayî
Kevirekî rake, dê min bibînî. Darekê bişeqîne, ez ê tê de bim.
Hz. Îsa
Ji berhemên wan hûn wan dinasin.
Mizgîn (Incîl)
Mirovî parçeyek ji dilê xwe daye her tiştî yê ku xebat bo kiriye.
Henryk Sienkiewiecz
Armanca min ew e ku karê xwe bikim zewq û paşî zewqê bi karê xwe bikim.
Aaron Burr
Dema kar dî be, jiyan şahî ye.
Dema kar kotekî be, jiyan koletî ye.
Maksîm Gorkî
Bi rêya kar mirovî xwe pabendî bi kêmî pişkek rastiya jiyanê dike: têkiliyên navbera mirovan.
Sigmund Freud
Berê halxweştirîn ew welat bûn yên ku sirişt lê herî merd bû, niha ew welat in yên mirov lê herî destbikar in.
Henry Thomas Buckle
Her tişt wa ne wek tu dikî.
Plautus
Her tişt, yê ku baş e bêt kirin, baş e ku baş bêt kirin.
Adolphe Monod
Tişta bênvedan bo nebe xwe ranagire.
Ovidius
Yê bixwaze karên mezin pêk bîne, divê kûr li kitekitan bipûnije.
Paul Valéry
Yê nizane dema xwe ya betaliyê baş bi kar bîne, di karê xwe de jî zêdetir dite'ibe.
Ennius
Her xurttir bawer im ku tembelî sedema nebûna aşopan e.
Marcel Jouhandeau
Hemberî bindarên xwe wisan be wek ku dixwazî serdarê te hemberî te be.
Seneca
Ji karî direvim tevî ku xelk bike jî.
Mark Twain
Xwedê di xew diçe ger mirov destên xwe betal berdin.
Miguel de Unamuno
Mirov nizane ka dikare çi bike ta ger necerribîne.
pendek navneteweyî
Kurrê herî biçûk neçar e kemana herî mezin hilgire.
pendek inglîzî
Hemî tiştê xweş bi xwe bike, yê ne xweş bi xelkê bide kirin.
Baltasar Gracián
Divê dest biavêjim xebatê da ji bêhêvîtiyê hişk nebim.
Alfred Tennyson
Kar baştirîn yarê min e. Lê ne yekmejiyî me.
Eva Ralf
Xebat yek ji şêweyên hêrsbûnê ye.
Don Herold
Hişyar be li her xebatê ya hewceyî hin cilên nû be.
Henry David Thoreau
Tişta em dikin qet nayê famkirin, tenê tê spaskirin û lomekirin.
Friedrich Nietzsche
Bi zor li dinyayê ti tişt hebe ku kesek din nikare nebaştir çêke û piçekî erzantir bifiroşe.
John Ruskin
Evîn li ber zîrekiyê nerm dibe. Ger nexwazî evînê bikî, xebatê bike, dê wa parastî bî.
Ovidius
Karê bo karî dij-siriştî ye.
John Locke
Ka ez ji te re bibêjim ku nekirina ti tiştî dijwartirîn tişt e li vê dinyayê, dijwartirîn û jîrdartirîn.
Oscar Wilde
Qet bo sibê nehêle wî karî yê ku dikarî dusibê jî bikî.
Mark Twain
Ti erk ne hindî erkê dilşadbûnê ne kêmnirxdayî ne.
Robert Louis Stevenson
Her kes bepirsiyarî her tiştî ye yê ku li dinyayê diqewime.
Fyodor Dostoyevskî
Hemî hêz erk e.
Victor Hugo
Ger mirovî mafê gelekê hebe, divê bi piçekê razî be.
Seneca
Ger jiyana xwe bigirî destê xwe, dê tiştek kembax biqewime: êdî nikarî her tiştî bikî binasên xelkê.
Erica Jong
Tirsa ji berpirsiyariyê nisaxiyek serdema me ye.
Otto von Bismarck
Erk ew e ya mirov dipê ku divê xelk bike, ne mirov bi xwe.
Oscar Wilde
Ez tenê mirovek im lê dîsan jî tiştek im.
Nikarim her tiştî bikim lê dikarim tiştekî bikim.
Ya ji min tê texsîriyê nakim.
Helen Keller
Gelo çi ye erkê te? Ya roj ji te dixwaze.
Johann Wolfgang von Goethe
Barê dilxwazî ne giran e.
pendek îtalî
Kar jiyanê şirîn dike.
pendek elmanî
Jê daxwaz bike bila piçekê raweste - ez ê aniha karê xwe temam bikim.
Carl Friedrich Gauss (dema peyam digihiyê ku jina wî li ber mirinê ye)
Divê em bûstanê xwe bikêlin.
François Marie Arouet Voltaire
Ji bêemeliyê asin dibe jengarî, ava genî pakiya xwe winda dike û seqa li ber sarmayê diqerrise. Wisan betalî jî şerbeta jiyanê tal dike.
Leonardo da Vinci
Ti tişt wek wê asan nîne lê ew dijwar dibe dema bêdilî xwe wê dikî.
Publius Terentius Afer
Hemî karên bimeaş mejî dimêjin û bêqîmet dikin.
Arîstoteles
Çiqas pirrtir bixwazim tiştekî bikim, kêmtir wî tiştî kar dihesibînim.
Richard Bach
Pirr plan tenê pêşbîniyên nebisexbêr in.
Ben Bayol
Bikoşe bêna xwe fire bikî û ji krîzê zewq wergirî.
Yogi Berra
Derencam zêde hatiye nirxbilindkirin. Ddersa rastîn mirov ji wê têkoşînê digire ya ku di navbera xewn û rastiyê de cih digire. Ew têkoşîn tiştek e ku jê re jiyan tê gotin.
Garth Brooks
Ti kes nabîne ku hin mirov enerjiyek bêqam xerc dikin tenê daku bibin normal.
Albert Camus
Yê dixwaze karê xwe bikemilîne, divê pêşî amûra xwe bihesû.
Konfuçe
Ger têkoşîn nebe, pêşketin nabe.
Frederick Douglas
Dahîtî yek ji sedê ji Xudê ye û not-û-neh ji sedê ji xuhê ye.
Thomas Alva Edison
Dema tevnên tevnpîrkan bigihin hev, dikarin şêran jî pê girê din.
pendek hebeşistanî
Xwedê gûzan dide lê wan naşkîne.
pendek elmanî
Yê dixwaze lê naxebite, belayê peyda dike.
William Blake
Bela jî tenê derfetek e.
Henry J. Kaiser
Mêrê berev herrikê ve melevaniyan dike, hêza herrikê dizane.
Woodrow Wilson
Bar hevberî hêza hespî ye.
Telmûd
Ne her tiştê hez jê dikî bike, her tiştê dikî hez jê bike.
Nenas
Ger bi karê xwe pareyan peyda nekî jî lê ji karê dikî hez bikî, tu biserkeftî yî.
Nenas
Teyrikê zû-şiyar kirmikî digire.
Nenas
Her kes dixwaze dinyayê biparêze; ti kes naxwaze alîkariya dayikê bike daku xwarinê amade bike.
P. J. O'Rourke
Diyarî digihin wî yê xeyalan dixebitîne.
William Benton
Gelek kesên jiyana bazirganî didin pey vê rêbazê: ne rêbaz lê pare.
Mardy Grothe
Tek cudahiya di navbera mirovê pîşekar û mirovê bazirgan de ew e ku bo mirovê pîşekar bidestxistina pare tiştek tesadifî ye, bo yê bazirgan bingeha bûneweriyê ye.
Frank Lloyd Wright
Ti kesî li nav nivînên mirinê negotiye: "Xwezî min zêdetir dem li daîreyê biboranda."
Paul Tsongas
Yek ji nîşanên nêzbûna li peqîna demarên mejî ew e ku mirov bawer bike ku karê mirovî pirr giring e.
Betrand Arthur William Russell
Tişta ecêb ne ew e ku em vî karî dikin lê ew e ku em pê kêfxweş in.
Dayik Teresa
Tek cihê lê biserkeftin ji berî karî ye ferheng e.
Donald Kendall
Ji wî cahiltir mirov nîne yê ku pirraniya jiyana xwe bo debarkirina jiyara xwe dide.
Henry David Thoreau
Zîrekî êşek e ya ku ciwan û cahilan digire.
Ambrose Bierce
Pêşî dest bi ya pêwîst bike paşî bi ya gengaz, dê taliyê bibînî ku ya negengaz dikî.
Nenas
Pispor kesek wisan e ku her zêdetir tiştî li ser kêmtir tiştan dizane ta ku dawiyê her tiştî li ser ne-ti-tiştî dizane.
Nenas
Leşê sax pêdivî bi xwewestandinê nîne û yê nesax jî nikare ti bike.
Nenas
Ger kêlîka dawiyê neba, ti tişt nedihat kirin.
Nenas
Kesê şaşiyan neke, ti din jî nake.
nenas
Kesê ti neke, şaşiyan jî nake.
nenas
Yê bêaqil pirr dixebite, yê hişmend planan dike.
nenas
Ji her têkçûnê mirov ji hemî biserkeftinan zêdetir fêr dibe.
nenas
Ger masiyekî bidî min, ez dê rojekê têr bim. Ger min hînî masîgiriyê bikî, ez dê xwe xwedî bikim.
nenas
Ger tiştekî îro û sibê nekî, dusibê jî neke.
nenas
Ger dema ji kar vedigerrî ji dema ji mal bi rê ketî kêmtir enerjîdar bî, tu tawanbarî gunehek mezin î: diziya malê dikî.
Jagdish Parikh
Ahengî tenê serûberiyek berdemî ye hemberî tevliheviya jênagerr û bivê-nevê.
nenas
Her tişta gengaz di cih de tê kirin lê bo kirina tişta negengaz piçek dem divê.
nenas
Dinivîsim ji ber ku ne mecbûr im.
nenas
Xebata zêde ti car ti kes nekuştiye lê ma çima ez rabim xwe lê ma çima rabim xwe bicerribînim.
Ronald Reagan
Dema bo xelkê demek dirêj divê daku ew pirsgirêkekê çare bikin, ew hêdî ne. Dema bo me demek dirêj divê daku em pirsgirêkekê çare bikin, em bisexbêr in.
nenas
Dema tiştek hatibe xirabkirin, bi sererastkirinê ew zêdetir tê xirabkirin.
nenas
Ma çima li biserkeftinekê rabiwestî madem dikarî wê jî bi cerribandinek nû têk bibî.
nenas
Tişta bi xwe bikarî îro bikî, sibê bi xelkê bide kirin.
nenas
Tiştek pirr zewqdar e ti tiştî nekî dema ji her gavê bileztir î.
Salvador Dalí
Pirr kêm tişt hene ku ji dil wiha bibêjim: vê dikim ji ber ku hez dikim.
nenas
Proje armancek e ku yên nekar tê dikoşin yên nexwaz negengaziyan bikin.
nenas
Mal bi hinêrê tê parastin, ne bi garranek mirovan.
pendek fînlendî
Mêr bi karê xwe tê spaskirin, ne bi gotinên berz û bilind.
pendek navneteweyî
Teyrikê zû-şiyar kirmikan digire lê mişkê dûhatî penîrî peyda dike.
nenas
Cerribandin yekem gav e ber bi têkçûnê.
Homer Simpson
Ne hewce ye ku evîndarî karê xwe bî. Xwefiroşî jî bes e.
Serdarî karên xwe be, dinya dê li dûv te were.
pendek latînî
Tamîr neke ger neşkestibe.
pendek latînî
Her peledînek jîrik dikare her tiştî mezintir, dijwartir û tundtir bike. Pêdivî bi destê bilîmetek î - û pirr wêrekiyê heye - daku tişt ber bi hêla durist ve biçin.
Albert Einstein
Aborînas bi jimaran ve mijûl in lê wan kesatî nîne ku bibin hesabgir.
nenas
Ez ji fêrbûnê hez dikim lê hatinfêrkirinê nefret dikim.
Winston Churcill
Ger du mirov mîna hev biramin, yek ji wan nepêdivî ye.
Ray Krock
Asteng min ranawestînin. Her asteng min zêdetir ber bi rêya min ya rast ve dibe.
Leonardo da Vinci
Ti tiştek ne wek teoriyek baş pratîkî ye.
Franci Galton
Yên xwedî zanîn, pêşbîniyan nakin. Yên pêşbîniyan dikin, nizanin.
Laotse
Tu erkê xwe bi cih bîne, ya mayî bispêre xwedayan.
Pierre Corneille
Em ji dûr li gihiştina ser rêya erkan digerrin tevî ku em dikarin serê rêkê tam li nêzî xwe jî bibînin.
Meng-Tsu
Erkê xwe yê nêzîk baş bi cih bîne.
Pittakos
Erkê xwe yê nêzîk bi cih bîne.
Thomas Carlyle
Teqwatî ew e ku ji Mesîhî bawer bikî û erkên xwe bi cih bînî tam di wî karê jiyanê de yê ku Xwedê tu vexwendiyê.
Martin Luther
Bicihanîna erkan ew e ya em ji xelkê dipên.
Oscar Wilde
Ew erkê min e û herwiha wisan dixwazim jî.
Sir William Schwenck Gilbert
Em pê dihesin ku du hez me ji hev radikêşin: erk û daxwaz. Vê serdemê daxwaz li pêş erkî dimeşe û rêberiya me dike ber bi qeyranek sincî ve.
Émile Durkheim
Min erkê xwe kiriye, qet ne tiştek zêdetir.
Henry Fielding
Ev gorra Henry Lawrence e yê ku tê koşî erkên xwe bi cih bîne.
[[(Li ser gorra Sir Henry Montgomery Lawrence)
Niha razî me: Spas bo Xwedê, min erkên xwe bi cih anîne!
Horatio Nelson
Husein Muhammed: Jiyanname 17, Kovara MEHNAME, hejmar 57, 10/2004
http://web.archive.org/20070202005516/www.geocities.com/kmehname
|
