តូ ឡឹម
![]() | អទ្ថបទនេះ អាចទាមទារការកែប្រែ ឬពិនិត្យមើលពីបញ្ហាវេយ្យាករណ៍ រចនាប័ទ្ម សម្លេង ឬអក្ខរាវិរុទ្ធ។ (April 2024) |
តូ ឡឹម (ភាសាវៀតណាម: Tô Lâm; កើតថ្ងៃទី១០ ខែកក្កដា ឆ្នាំ១៩៥៧) គឺជាអ្នកនយោបាយ និងជាប៉ូលីសវៀតណាម ដែលបានធ្វើជាប្រធានាធិបតីទី១៣របស់វៀតណាម ចាប់តាំងពីខែឧសភា ឆ្នាំ២០២៤។ [១] លោកបានបម្រើការជារដ្ឋមន្ត្រីក្រសួងសន្តិសុខសាធារណៈ ចាប់ពីខែមេសា ឆ្នាំ២០១៦ រហូតដល់ការឡើងកាន់តំណែងជាប្រធានាធិបតីនៅក្នុងខែឧសភា ឆ្នាំ២០២៤។ លោកជាសមាជិកការិយាល័យនយោបាយនៃបក្សកុម្មុយនិស្តវៀតណាម លោកក៏ជាអនុប្រធានគណៈកម្មាធិការដឹកនាំមជ្ឈិមប្រឆាំងអំពើពុករលួយផងដែរ។ [២] លោកត្រូវបានគេចាត់ទុកយ៉ាងទូលំទូលាយថាជាឥស្សរជនដ៏មានឥទ្ធិពលម្នាក់ក្នុងយុទ្ធនាការប្រឆាំងអំពើពុករលួយ របស់អគ្គលេខាធិការ ង្វៀន ហ្វូចុង ។
![](http://upload.wikimedia.org/wikipedia/commons/thumb/a/a1/T%C3%B4_L%C3%A2m.jpg/220px-T%C3%B4_L%C3%A2m.jpg)
កើតនៅខេត្តហ៊ឹងអៀន លោក បានចូលជាសមាជិកបក្សកុម្មុយនិស្តវៀតណាម នៅថ្ងៃទី ២២ ខែសីហា ឆ្នាំ១៩៨១។ អាជីពទាំងមូលរបស់គាត់គឺនៅក្នុងកងកម្លាំងប៉ូលីស ។ លោកមានឋានៈជាឧត្តមសេនីយ ផ្កាយបួនក្នុងកងកម្លាំងសន្តិសុខសាធារណៈរបស់ប្រជាជនវៀតណាម ។ លោក ពីមុនធ្លាប់ធ្វើជាប្រធានគណៈកម្មាធិការដឹកនាំតំបន់ខ្ពង់រាបកណ្តាល អនុរដ្ឋមន្ត្រីក្រសួងសន្តិសុខសាធារណៈ និងជាអគ្គនាយកនៃអគ្គនាយកដ្ឋានសន្តិសុខទី១ ក្រសួងសន្តិសុខសាធារណៈ។ គាត់បានក្លាយជាសមាជិកគណៈកម្មាធិការមជ្ឈិមបក្សកុម្មុយនិស្តវៀតណាម តាំងពីឆ្នាំ២០១១ និងជាសមាជិកការិយាល័យនយោបាយ តាំងពីឆ្នាំ២០១៦។ [៣] តូ លិម បានបញ្ចប់ថ្នាក់បណ្ឌិតផ្នែក នីតិសាស្ត្រ និងសញ្ញាបត្រកម្រិតខ្ពស់ផ្នែកទ្រឹស្តីនយោបាយ។ លោកត្រូវបានតែងតាំងជា សាស្ត្រាចារ្យ ផ្នែកវិទ្យាសាស្ត្រសន្តិសុខ ក្នុងឆ្នាំ២០១៥។
នៅថ្ងៃទី១៨ ខែឧសភា ឆ្នាំ២០២៤ លោកត្រូវបានគណៈកម្មាធិការមជ្ឈិម តែងតាំងជាប្រធានាធិបតីទី១៣ របស់វៀតណាម បន្តពី លោកវ៉ូ វ៉ាន់ធឿង ដែលបានលាលែងពីតំណែងក្នុងខែមីនា ឆ្នាំ២០២៤ ដោយសារយុទ្ធនាការប្រឆាំងអំពើពុករលួយ។ [៤] រដ្ឋសភានឹងដកលោក តូ លិម ជារដ្ឋមន្ត្រីសន្តិសុខសាធារណៈមុនពេលបោះឆ្នោតជ្រើសរើសប្រធានាធិបតី ។ [៥] [៦]
ឯកសារយោង
[កែប្រែ]- ↑ VnExpress. "Public security minister To Lam recommended to be Vietnam's new president - VnExpress International". VnExpress International – Latest news, business, travel and analysis from Vietnam (in អង់គ្លេស). Retrieved 2024-05-18.
- ↑ "Party Congress announces CPVCC Politburo members". Government of the Socialist Republic of Vietnam. 19 January 2011. Retrieved 25 June 2012.
- ↑ "Tóm tắt tiểu sử Bộ trưởng Bộ Công an Tô Lâm". Chính phủ Việt Nam. Archived from the original on 2020-11-15. Retrieved 15 November 2020.
{{cite web}}
: More than one of|archivedate=
and|archive-date=
specified (help); More than one of|archiveurl=
and|archive-url=
specified (help) - ↑ VnExpress. "Public security minister To Lam recommended to be Vietnam's new president - VnExpress International". VnExpress International – Latest news, business, travel and analysis from Vietnam (in អង់គ្លេស). Retrieved 2024-05-18.
- ↑ "National Assembly to dismiss To Lam as public security minister ahead of presidential vote - VnExpress International". VnExpress International – Latest news, business, travel and analysis from Vietnam (in អង់គ្លេស). Retrieved 2024-05-21.
- ↑ "NA to relieve To Lam from post of Minister of Public Security for election to State President". Vietnam+ (VietnamPlus) (in អង់គ្លេស). 2024-05-21. Retrieved 2024-05-21.