Gulussa

Gulussa yella d aqcic aɣerfan wis sin n ugellid Masensen . gulussa yuɣal d agellid n Numidya ɣer tama n watmaten-is deg 148 ST yeṭṭef aḥric meẓẓiyen seg tgelda yettwaferqen gar kraḍ n watmaten .

Tudert

Deg 148 ST , mi yḥulfa Masensen s lmut-is , yemmeslay d Skibyu Aymilyanus amek ara ferqen tamurt .

Yerra-d yiwen n unsay aqbur ɣer ugdud n Libu imi yefreq anbaḍ gar kraḍ n yimdanen , yesteɛref Skibyu yis-sen , kraḍ n warrac uɣalen d igelliden : Makawsen , Gulussa d Mastenbaɛl . Tettwafreq tgelda gar kraḍ n yigeldunen . Makawsen , amenzu yeṭṭef tamehla , i netta i wumi yefka Masensen taxatemt-is s wunnuɣ n Abizar , i yellan d azamul n tezmert . Gulussa yenbeḍ iserdasen . Ma d Mastenbaɛl , i ɣefd-nnan belli yemmeslay tagrigit , yettunefka-as leqdic n teɣdemt d wassaɣen akked yiqerra n yiderman yeddan yid-sen .

Nnfaq d yiqertajiyen

Gulussa yesɛa tamussni meqqren ɣef nnfaq . Imi yelḥeq-d amennuɣ d yiqerṭajiyen . Di tefsut n 150 ST , yefteḥ netta d Makawsen asɣamu yettɣimi deg-s yimceyyeɛ anumidi . Maca iqerṭajiyen , yerfan seg masensen i asen-yekksen aṭas n temnaḍin , ugin ad gen adiwenni , macci kan d annecta , gan amek ara nɣen igeldunen mi d-uɣalen seg Qerṭaj . Tefka tigawt-agi n yiqerṭajiyen azref i yinumidiyen akken d nnaɣen d yiqerṭajiyen ɣef temdint n Uskurba .Yeqqim umennuɣ-a d tamentilt ɣer Rum akken ad d-sekcem iman-is ɣer tefriqt n ugafa . Itekka Gulussa d yiserdasen-is deg tnegluft n Qerṭaj (148 St )

Tudert n tewser

Ardekal nnfaq n 148 St ulac d acu i nesla ɣef Gulussa d Mastenbaɛl  . Ur nessin melmi i mmuten neɣ akud n taggara n unbaḍ bu kraḍ n yigelliden . Nezmer ad nɣer seg tira ɣef uẓekka n Masensen belli deg 139 ST Makawsen yegled i yiman-is kan Numidya .