შერიკა ჯექსონი
.jpg) | |
| პირადი ინფორმაცია | |
|---|---|
| დაბ. თარიღი | 16 ივლისი, 1994[1] (30 წლის) |
| დაბ. ადგილი | Saint Ann Parish |
| სიმაღლე | 173 |
| წონა | 61 |
| ქვეყანა | იამაიკა |
შერიკა ჯექსონი (დ. 16 ივლისი, 1994)[2] — იამაიკელი სპრინტერი, რომელიც ასპარეზობს 100 მ, 200 მ და 400 მეტრ დისტანციებზე. ის არის მსოფლიოში ყველაზე სწრაფი ქალი და ყველა დროის მეორე ყველაზე სწრაფი ქალი 200 მეტრზე სპრინტში 2022 წლიდან.
ჯექსონმა კარიერა 400 მეტრის სპრინტით დაიწყო. მან 2016 წლის რიოს ოლიმპიადაზე, 2015 წლის მსოფლიო ჩემპიონატზე და 2019 წლის მსოფლიო ჩემპიონატზე ბრინჯაოს მედლები მოიპოვა. ამავე შეჯიბრებებზე მან შესაბამისად ვერცხლის, ოქროს და ბრინჯაოს მედლები მიიღო 4x400 მეტრ ესტაფეტაზე. მან ასევე ოქროს მედალი მოიპოვა 4x100 მ ესტაფეტაზე 2019 წლის მსოფლიო ჩემპიონატზე.
მას შემდეგ, რაც ჯექსონი 2021 წელს მოკლე სპრინტებზე გადავიდა, მან ბრინჯაო მოიპოვა 100 მ დისტანციაზე 2020 წლის ტოკიოს ოლიმპიადაზე. ამასთანავე, მან მიიღო ოქროსა და ბრინჯაოს 4x100 მ და 4x400 მ ესტაფეტებზე. იმ წელს მან დააფიქსირა პერსონალური რეკორდები: 100 მ სპრინტზე 10.8, ხოლო 200 მეტრზე დაახლოებით 22 წამში. ამასთან ერთად 400 მ დისტანციაზე მან დააფიქსირა 49,5 წამზე ნაკლები დრო და გახდა ერთ-ერთი იმ იშვიათ ქალთაგან, ვინც ასეთ შედეგებს მიაღწია ყველა ამ ღონისძიებაზე ერთდროულად. 2022 წლის მსოფლიო ჩემპიონატზე ჯექსონმა მოიგო ვერცხლი 100 მეტრზე, ხოლო ოქრო 200 მეტრზე და დაამყარა ეროვნული რეკორდი. ასევე მოიპოვა ვერცხლი 4x100 მ ესტაფეტაზე. ის იყო 2022 წლის Diamond League-ის ჩემპიონი 200 მეტრზე სპრინტში.
კარიერა
[რედაქტირება | წყაროს რედაქტირება].jpg)
2008 წლიდან შერიკა ჯექსონი იგებდა ოქროს მედლებს სხვადასხვა ასაკობრივ კატეგორიებში კარიბის თავისუფალი ვაჭრობის ასოციაციის თამაშებზე, შემდეგ კი ცენტრალური ამერიკისა და კარიბის ზღვის აუზის ახალგაზრდულ ჩემპიონატზე მძლეონობაში. მან 2010 წლის ახალგაზრდული ოლიმპიადის, 2011 წლის ახალგაზრდული მსოფლიო ჩემპიონატის (მე-3) და 2012 წლის ახალგაზრდული მსოფლიო ჩემპიონატის ფინალებში იასპარეზა 200 მეტრის დისტანციაზე.
მისი უფრო დიდი პროგრესი 400 მეტრზე მოვიდა 21 წლის ასაკში 2015 წელს, როდესაც ივნისში პირველად 51 წამზე ნაკლები და აგვისტოში 50 წამზე ნაკლები დრო დააფიქსირა.[2]
2021
[რედაქტირება | წყაროს რედაქტირება]ცნობილი მწვრთნელის სტივენ ფრენსისის ხელმძღვანელობით ჯექსონი 100 მ და 200 მ დისტანციის სპრინტებზე გადავიდა 2021 წლის სეზონისთვის. მისი პერსონალური საუკეთესო შედეგები იყო შესაბამისად 10,77 და 21.82 წამი, იამაიკის ოლიმპიადის შესარჩევ ეტაპზე კინგსტონში.
ის 100 მეტრზე მესამე ადგილზე გავიდა 2020 წლის დაგვიანებულ ტოკიოს ოლიმპიადაზე. მან დააფიქსირა უკეთესი პერსონალური რეკორდი (10,76 წმ). იგი ჩამორჩა თანამემამულე ქალს, შელი-ენ ფრეიზერ-პრაისს, რომელმაც 10.74 წმ დააფიქსირა. იამაიკელებმა ისტორიაში მეორედ მოიპოვეს მედლები სამივე ადგილზე, როდესაც ელეინ ტომპსონ-ჰერამ ოქროს მედალი მოიპოვა 10.61 წამით.[3] 200 მეტრზე მან ვერ შეძლო ნახევარფინალში გასვლა მას შემდეგ, რაც ფინიშის ხაზამდე შეანელა და ჩამორჩა დალია ქადარს. იგი საკვალიფიკაციო დროს ოთხი მეათასედი წამით ჩამორჩა. მისი დრო, 23.26 წმ, არ იყო საკმარისად სწრაფი იმისთვის, რომ ადგილი მოეპოვებინა.[4]
2022
[რედაქტირება | წყაროს რედაქტირება]ჯექსონი აგრძელებდა შთაბეჭდილების მოხდენას მოკლე სპრინტებში 2022 წლის სეზონის განმავლობაში და მოიგო 3 მედალი იუჯინში, ორეგონის მსოფლიო ჩემპიონატზე. იამაიკის შესარჩევ ეტაპზე მან მოიგო სპრინტის დუბლი, 100 მეტრზე 10,77 წამით და 200 მეტრზე 21,55 წამით; მისი 21,55 წამიანი გარბენი მესამე საუკეთესო შედეგია ისტორიაში.[2] მსოფლიო ჩემპიონატზე ჯექსონმა ვერცხლის მედალი მოიპოვა 100 მეტრზე, 10,73 წამში, რაც მას მე-7 უსწრაფეს ქალად აქცევს. 200 მეტრზე მან ოქროს მედალი მოიპოვა ჩემპიონატში და დაამყარა ეროვნული რეკორდი (21,45 წამი). ამით იგი გახდა ყველაზე სწრაფი ქალი და ყველა დროის მეორე ყველაზე სწრაფი ქალი ღონისძიებაზე.[2] 4x100 მეტრზე ესტაფეტის ფინალში ჯექსონმა დააფიქსირა 9.72 წმ. ის წამყვანი მონაწილე იყო, მაგრამ ვერ შეძლო ამერიკელი სპრინტერის, ტვანიშა ტერის დამარცხება. შესაბამისად, მან და იამაიკის გუნდმა, რომელშიც შედიოდნენ კემბა ნელსონი, ელეინ ტომპსონ-ჰერა და შელი-ენ ფრეიზერ-პრაისი, ვერცხლის მედალი მოიპოვა. მათ დააფიქსირეს სეზონის საუკეთესო 41,18 წამი, ისტორიაში მეექვსე უსწრაფესი დრო.[2] 10 აგვისტოს მონაკოს ბრილიანტის ლიგაზე ჯექსონმა თავისი პირადი რეკორდი 10,71 წამამდე შეამცირა და მეორე ადგილი დაიკავა ფრეიზერ-პრაისის (10,62 წმ) შემდეგ, თუმცა აჯობა კოტ-დ’ივუარელ მარი-ჟოზე ტა ლუს, რომელმაც დაამყარა აფრიკის რეკორდი, 10.72 წმ. თავისი შედეგით ჯექსონი გახდა ყველა დროის მეექვსე ყველაზე სწრაფი ქალი და მესამე ყველაზე სწრაფი იამაიკელი ქალი.[2][5]
რესურსები ინტერნეტში
[რედაქტირება | წყაროს რედაქტირება]
სქოლიო
[რედაქტირება | წყაროს რედაქტირება]- ↑ World Athletics database
- ↑ 2.0 2.1 2.2 2.3 2.4 2.5 Shericka JACKSON – Athlete Profile. ციტირების თარიღი: 1 January 2021
- ↑ Reid, Paul A. (2021-07-31) Thompson-Herah smashes Flo-Jo's Olympic record, leads Jamaican sweep in women's 100m. ციტირების თარიღი: 2021-07-31
- ↑ „Jamaica's Shericka Jackson out of 200m after rookie heats blunder“. NBC. 1 August 2021. ციტირების თარიღი: 11 August 2021.
- ↑ Bailey, Robert (11 August 2022). „Fraser-Pryce happy for consistency: Sets new world lead, takes aim at personal best“. The Gleaner. Kingston. ციტირების თარიღი: 11 August 2022.