The Strokes

The Strokes
The Strokes
	;
ბიოგრაფია
აგრეთვე ცნობილი როგორც	Venison
წარმოშობა	ნიუ-იორკი, აშშ
ჟანრ(ებ)ი	ინდი-როკი; გარაჟ-როკის აღორძინება; პოსტ-პანკის აღორძინება; ახალი ტალღა;
აქტიური	1998-დღემდე
ლეიბლ(ებ)ი	Cult; RCA; Rough Trade;
წევრები	ჯულიან კასაბლანკასი; ნიკოლაი ფრაიტური; ალბერტ ჰემონდ უმცროსი; ფაბრიციო მორეტი; ნიკ ვალენსი;
საიტი	thestrokes.com
	The Strokes ვიკისაწყობში

დასაბეჭდი ვერსია აღარ არის მხარდაჭერილი და შეიძლება ჰქონდეს რენდერის შეცდომები. გთხოვთ, განაახლოთ თქვენი ბრაუზერის სანიშნეები და გამოიყენეთ ბრაუზერის თავისი ბეჭდვის ფუნქცია.

The Strokes — ამერიკული როკ ჯგუფი, რომელიც ჩამოყალიბდა 1998 წელს ნიუ-იორკში. ჯგუფში შედიან: ჯულიან კასაბლანკასი (ვოკალი), ნიკ ვალენსი (გიტარა, კლავიშებიანი საკრავები, მეორე ვოკალი), ალბერტ ჰემონდ უმცროსი (გიტარა, კლავიშებიანი საკრავები, მეორე ვოკალი), ნიკოლაი ფრაიტური (ბას-გიტარა) და ფაბრიციო მორეტი (დასარტყმელი ინსტრუმენტები). The Strokes-ს ხშირად მოიხსენიებენ 60-იანი წლების გარაჟ-როკის გამომცოცხლებლებად.

თავდაპირველად ჯგუფმა მოღვაწეობა ნიუ-იორკის სამხრეთ-აღმოსავლურ ნაწილში დაიწყო და მალევე დაიმსახურა ადგილობრივი მოსახლეობის მოწონება. მათი სადებიუტო EP-მ, The Modern Age-მა (2001), ბრიტანული პრესისგან თაყვანისცემა დაიმსახურა. „The Strokes-ის მინიმალისტურმა მელოდიებმა, სიმღერების ლაკონიურმა სტილმა და სპარტანულმა მუსიკალურმა პროდიუსირებამ – რაც სუფთა ჰაერივით საჭირო იყო ადრეული 21-ე საუკუნის როკ-მუსიკაში – შთააგონა მსმენელთა ტალღა, მანამ, სანამ მათი პირველი ალბომი შეიქმნებოდა“, წერს Encyclopedia Britannica.

ჯგუფის პირველმა ალბომმა Is This It,^[1] რომელიც 2001 წელს გამოვიდა, მოიპოვა დიდი პოპულარობა. ჟურნალი როლინგ სტოუნის ყველა დროის საუკეთესო 100 დებიუტ ალბომს შორის დაიკავა მერვე ადგილი^[2]. მან აგრეთვე ამავე ჟურნალის 2000-იანი წლების 100 საუკეთესო ალბომის სიაში მეორე ადგილი დაიკავა ^[3], 199-ე ადგილი პოზიცია დაიკავა როლინგ სტოუნის 500 საუკეთესო ალბომს შორის, ხოლო NME-მ დაასახელა საუკეთესო 500 ალბომს შორის მეოთხე ნომრად.