სსრკ-ის სახელმწიფო უშიშროების კომიტეტი
სსრკ-ის სახელმწიფო უშიშროების კომიტეტი (რუს. Комите́т госуда́рственной безопа́сности СССР (КГБ))— მოკავშირე რესპუბლიკების სპეცსამსახური რომელიც უზრუნველყოფდა მათ უსაფრთხოებას. დამოუკიდებელ სამსახურად ჩამოყალიბდა სსრკ-ის შინაგან საქმეთა სამინისტროს რეფორმირების შედეგად (სამართველოებად, განყოფილებებად და სამსახურებად) 1954 წლის 13 მარტს. სუკ-ის სისტემაში შედიოდა სახელმწიფო უსაფრთხოების მიმართულებით მომუშავე ყველა სამსახური (სასაზღვრო ჯარები, სამთავრობო კავშირგაბმულობის ჯარები, სამხედრო კონტრდაზვერვა, სასწავლო დაწესებულებები და სამეცნიერო კვლევითი ცენტრები). სუკ-ი დაიშალა 1991 წლის 22 ოქტომბერს.
საბჭოთა სპეცსამსახურების ისტორია
- სრსკ (ВЧК) 1917-1922
- სპს (ГПУ) 1922-1923
- გსპს (ОГПУ) 1923-1934
- შსსკ (НКВД) – სუსკ (НКГБ) 1934-1946
- სუს (МГБ) 1946-1954
- სუკ (КГБ СССР) 1954-1991
