Tiara
![](http://upload.wikimedia.org/wikipedia/commons/thumb/0/05/Innozenz3.jpg/200px-Innozenz3.jpg)
Tiara (saking basa Latin: tiara, saking basa Ancient Greek: τιάρα, kanthi sumber saking basa ingkang langkung sepuh Cithakan:Lang-peo) punika kalebet salah satunggal saking jinising makutha. Istilah punika tumuju ing kalih jinis makutha. Kanthi tradhisional, "tiara" tumuju ing makutha ingkang inggil, asring wujud wujud tabung ingkang lanchip wonten ing pérangan pucukipun ingkang dipundamel saking kain utawi kulit sarta dipunhiasi mawi pola hias ingkang raya lan kaya. Makutha punika dipun-ginakaken déning raja lan kaisar nalika peradapan purba ing Mesopotamia. Bangsa Asiria nambahaken sungu (tandhuk) banthèng minangka makutha. Tiara wonten ing makutha Kamaharajan Pèrsi langkung mirib kaliyan kerucut ingkang kapotong tanpa tandhuk utawi wulu, nanging dipunhiasi langkung kathah permata mawi kerucut alit wonten ing pucukipun.
Tiara kapausan
[besut | besut sumber]![](http://upload.wikimedia.org/wikipedia/commons/thumb/1/1a/Pope_Pius_XI_tiara.jpg/200px-Pope_Pius_XI_tiara.jpg)
Wonten ing Gréja Katulik Roma, Tiara Kepausan inggih punika topi inggil ingkang dipunubengi déning tigang makutha kasusun ingkang nyangga bola donya mawi pucuk ing salib. Makutha punika naté dipunagem [[Paus (Katulik Roma)|Paus) nalika upacara tartamtu, minangka lambang otoritas lan kekuwaosan. Saking Paus Paulus VI nyingkiraken tiaranipun nalika Konsili Kaping Kalih Vatikan, Tiara kepausan boten naté dipun-ginakaken malih. Paus Benediktus XVI malah ngicalaken tiara saking lambang kepausanipun nggantos kaliyan mitra (nanging lambang tiara kanthi susun tiga punika taksih dipun-ginakaken wonten ing Lambang Vatikan).
Tiara karajan
[besut | besut sumber]![](http://upload.wikimedia.org/wikipedia/commons/thumb/2/2e/Queen_Alexandra_with_Queen_Louise_and_the_Duchess_of_Fife.jpg/200px-Queen_Alexandra_with_Queen_Louise_and_the_Duchess_of_Fife.jpg)
Ratu Elizabeth II dipunsebat bilih gadhah koleksi tiara ingkang kathah piyambak lan paling berharga wonten ing donya. Kathahipun punika pusaka Karajan Inggris. Kadang kala piyambakipun ngagem tiara nalika wonten ing adicara mirunggan.
Tiara sanèsipun
[besut | besut sumber]Ing jaman sapunika tiara sampun saged dipunagem déning rakyat kathah. Sanajan kala rumiyin namung kénging dipunagem déning para bangsawan, para raja, lan para ratu. Sapunika Pengantèn èstri ugi saged ngagem tiara minangka péranganing rasukan ingkang dipun-ginakaken nalika adicara mantènan [1]. Tiara ugi dipun-ginakaken minangka lambang ingkang dados jawara wonten ing kontès kasulistyan kados wonten ing adicara Miss Universe, Miss World, Putri Indonésia lan Miss Indonésia [2].
Cathetan suku
[besut | besut sumber]- ↑ Mahkota Keanggunan Archived 2013-12-07 at the Wayback Machine., (dipunakses tanggal 27 Fèbruari 2013)
- ↑ Tiara, (dipunakses tanggal 27 Fèbruari 2013)
Pranala njawi
[besut | besut sumber]![]() |
Wikimedia Commons duwé médhia ngenani Tiaras. |
- The Royal Collection Koleksi tiara Ratu Elizabeth II
- Ballet and classic Archived 2011-07-10 at the Wayback Machine. Cenário loja Eliana Salles-Tiara Brasil