Szczecin

Szczecin

Szczecin

Lambang Szczecin Lokasi Szczecin
Katrangan cekak
Provinsi:	Pomerania Kulon (zachodniopomorskie)
Jembar:	300,83 km²
Padunung:	419 198 jiwa (2006)
Pelat nomer kendaran motor:	ZS
Alamat balé kutha:	pl. Armii Krajowej 1 71-871 Szczecin
Situs wèb resmi:	www.szczecin.pl
Pulitik
Walikutha:	Piotr Krzystek

Szczecin (Jerman:Stettin, Latin: Stetinum) iku kutha krajan Województwo zachodniopomorskie (provinsi Pomerania Kulon) ing Polen. Kutha iki gedhé dhéwé nomer pitu miturut cacahé kang ndunungi lan kutha palabuhan Polen kang gedhé dhéwé ing sagara Baltik. Miturut cacah jiwa ing taun 2005 kutha iki kang ndunungi 420.638 jiwa.

Szczecin papané ana ing muara kali Oder, kiduling Stettiner Haf lan Lempongan Pomerania. Kutha iki papané ana ing pasisir kidul-kulon tlaga Dąbie, lan dibelah kali Oder, sarta nduwé pulo ing cabang kulon lan wétan kali iki.

Étimologi

Szczecin 1640

Sumber-sumber Jaman Tengahan nuduhaké: Stetin 1133, Stetyn 1188, Priznoborus vir nobilis in Stetin, Symon nobilis Stettinensis 1234, in vico Stetin 1240, Barnim Dei gratia dux Pomeranorum... civitati nostri Stetin 1243, Stityn 1251, lan Sigillum Burgoncium de Stitin (cap kutha saka abad kaping 13).

Aran kutha iki bokmanawa mèmper karo aran-aran Polen liyané kaya ta Szczytno, Szczucin and Szczuczyn. Ing basa Latin, kutha iki diarani Stetinum.

Szczecin, Balé kutha

Ana pira-pira étimologi kang mungkin dadi asalé arané kutha iki:

1. Szczecin asalé saka tembung szczyt kang tegesé wukir ing basa Polen modhèren, nanging ing basa Slavia kuna tegesé uga bisa bètèng.
2. Szczecin asalé saka jeneng Szczuka lan tegesé kutha Szczuka
3. Szczecin asalé saka jeneng Szczeta/Szczota lan tegesé kutha Szczota
4. Szczecin asalé saka tembung szczecina kang tegesé ri. Dadi Szczecin iku kutha kang akèh cèlèngé utawa bèntèngé kaya ri. Yèn prakara iki bener, bisa waé kutha iki padha karo Burstaborg kang karan-sebut ing babad-babad Skandinavia.

Amarga Adipati Warcislaw IV saka Pomerania ngyasakaké "Szczecin Anyar" (basa Polen Nowy Szczecin, basa Jerman Neustettin) ing 1310, kutha Szczecin kang lawas kala-kala diarani "Szczecin Lawas" (basa Polen Stary Szczecin; basa Jerman Altes Stettin; basa Latin Stetinum Antiqua)

Szczecin

Ing abad kaping 16, sumber-sumber Polen nganggo rong éjaan alternatif: Szczecin (katonané pangucapan aran kutha iki déning warga Slavia lan sadurungé diéja Stetin ing basa Latin wiwit abad kaping 12) lan Sztetyn (kang katonané salinan saka ucapané ing basa Jerman). Wujud kang kapisan Szczecin pungkasané kang luwih kerep dienggo ing taun-taun sawisé lan pungkasané paling akèh dan ditemtokaké ing abad kaping 19, suwé sadurungé kutha iki diserahaké Polen ing taun 1945.

Sadurungé taun 1945, kutha iki kang dienggoni mèh satus persèn déning wong Jerman, diarani nganggo jeneng Jermané, ya iku Stettin.

Klub-klub Ulah raga

• Pogoń Szczecin – 21.04.1948 r., first division: I Liga

http://www.pogonszczecin.info/ Archived 2020-11-28 at the Wayback Machine.